TI'INAANGW 12:16 - Biblía Axweesantá Hhohho' ar Mungú 2004

¹⁶ Bál geera nee bál faanqwe an burumburitá' asma a deelór hhoohhoo' dirhunge, gadiyér tleehharut i káhh baraá deeloosinge. Ala aqo as adoodá' /ayma meemu nguwa ya/aandaaká, tí kilós naa tleehhaak.

TI'INAANGW 12:16 Iomraidhean Croise

TI'INAANGW 16:23

Mose giri báy, «Adoosíng taa tlehhé' an hara'ayár AAKOÓ MUNGÚ. Asma matlo a baalár hhoohhoo' ar huungu/uusa, a deelór Sabaátór hhoohhoo' ar AAKOÓ MUNGÚ. Gimsé' tlawsé', muruú /aymár ta kwasasahhaasár wa sla'a' kwasasahhasaak, nee oo ta humrór wa sla'a' humimaak, nee oo aa meet amohhe'esaak ay matlo.»

TI'INAANGW 16:29

Ga/aawaak, AAKOÓ MUNGÚ deelór Sabaátó ngina haniís. An gár bál lahhooe muruú /ayma kungusa tlahhás ay deelo tsár. Gimsé', umuú heewo i hungu/uusi dír do'ós i alé, hee miwa hi'iitanór áy bál faanqwe.»

TI'INAANGW 16:5

Ala bál lahhooe bir muruú /aymár burumburiná' oo /aymár deelo tsare bu'uút ngu burumburiye'.»

TI'INAANGW 20:10

Ala bál faanqw a deelór Sabaáto ar AAKOÓ MUNGÚ Munguúwók. Baalaadae kuúng ma gadiyusaar, laqaá tam garmaawók laqaá dasiirók, laqaá lawaalmoowók, laqaá lawaalo'oorók, laqaá makiito'ór ta de'een, laqaá tam hoomoó dír do'ók.

TI'INAANGW 34:18

«Deeloodá' ur ar mikaáteedá' taa sluuftisiiká inslawaak. Mikaáteedá' ta sluuftisiiká an /agá' ay deelo faanqw ar adoodá' aníng ngira hara'ayiím, qoomaadá' taa qaroó qaás ar slahhángw ta bay Abibu, asma an qoomár kuungá' niwa baraá yaamaá Misrír wa ti'ité'.

ISAYA 1:13

Ilahhooár harimaaká mingi huwahuwaara', mooyangwdá' tsuú' aníng ugwa aáhh, nee deelór ur ar slahhaangw niwa ti'iiti, nee deelór Sabaátooro nee burumburimituú saaliingo. Aníng dinku'uumadár saaliingw ar aleedoogír nee tlakweema a sla'aaká.

TLAHHOÓ LAÁWI 23:21

Baalaasír kilae kángw dinku'uumár hhoohhoo' kuri ilahanisá', baalaadae a gadiyusa'aaká. Gaarí an dákw ta eehada' ay alhhe'eesay wasle baraá xwaylarhúng sleémeero, umuúqo dír tawa hota'a.

TLAHHOÓ LAÁWI 23:27

«Bál slahhángw faanqw bar mibaangw a baalár haraki/isa. Baalaasíng an baalár dinku'uumár hhoohhoo' kawa tlehha'. An gwaawiindá', nee ilahhooár da/a kari hanisá' dír anuú AAKOÓ MUNGÚ.

TLAHHOÓ LAÁWI 23:35

Baalár hargeera baraá deeloosíng faanqwe dinku'uumár hhoohhoo' a koondá', baalaasinge ma gadiyusara'.

FAARO 28:18

Bál deelór geera dinku'uumár hhoohhoo' an tlehhá', baalaarihe ma gadiyuusara'.

FAARO 28:25

Bál faanqwe dinku'uumár hhoohhoo' an tlehhá', baalaarihe ma gadiyuusara'.

FAARO 28:26

«Baalár bu'úngw geeraawo qoomár kuungá' AAKOÓ MUNGÚ burngwa ilahhooár balángw /abén i hubé', ar deelór ur ar wiikidu, baalaadae dinku'uumár hhoohhoo' ka tlehhá' nee ma gadiyuusara'.

FAARO 29:1

«Slahhángw faanqw bál bar wak, dinku'uumár hhoohhoo' ka tlehhá', baalaarihe ma gadiyuusara'. Tarumbeéta baalaarihe an ufhhá'.

FAARO 29:12

«Slahhángw faanqw bál bar mibaá nee kooán, dinku'uumár hhoohhoo' ka tlehhá'. Baalaarihe ma gadiyuusara'. Deeloorí ur an AAKOÓ MUNGÚ i tlehhá' ay deelo faanqw.

Yohana 19:31

Ala múk Yahudi Pilato guri firín as ya'aá mukdá' taa kiki'ín kiwa geqay, nee kiwa hingeesi gawaá misalabaduuwo. Adoorí kana slaá' tleehhamooro, asma a baalár amohhe'eemis, nee looár tlaw tawa deelór Sabaáto. Inooín kaa slaiiká tu'u iwa iwiwiitiya' gawaá misalabaduú wa ale deelór Sabaátoro. Asma deeloodár Sabaáto a deelór ló'wa ur.

DABE 16:8

Ar har afiqoomár deelo lahhooe mikaátér taa sluuftisiiká an /agá', nee bál faanqw a baalár ur ar muu iwa burumburiti as AAKOÓ MUNGÚ kuwa sluufmiisi, nee baalaadae ma gadiyuusara'.