TI'INAANGW 12:15 - Biblía Axweesantá Hhohho' ar Mungú 2004

¹⁵ «Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.

TI'INAANGW 12:15 Iomraidhean Croise

IIMU/UUNGW 17:14

Umuúqo hhawaata oo ta hheehhe'eesiiká kun paraatl dír mukose, asma alqador'eé' gaa boo/eesiiká.»

2 QOM'I 30:21

Múk Israeli kudá' aa burumburiit baraá gixsár Yerusalemu deeloodá' ur ar Pasaáka tidár mikaátér taa sluuftisiika, kana tleéhh ay deelo faanqw ar qwal/amaayér ur. Múk tlahhoó Laáwi nee kaahamuusér Mungú AAKOÓ MUNGÚ nguna xirfayeemisiyé' umuú baalaaro, nguna i daaiyé' ar xoslaá afo uren.

ESRA 6:22

Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

TI'INAANGW 12:8

Fu'unaydá' ki /ayi xweeraadaá kilae, masók kaa daá/, ki /ayi dinkwa nee mikaátér ta sluuftisiiká nee naanuú manákw.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 23:15

Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

TI'INAANGW 30:38

Heé mooyángw daa'awtí gwaa tleehh as slikiingós a baynitisa.»

TI'INAANGW 31:14

Kuungá' deelór Sabaáto harmagahhaak, asma deeloorí ka hhoohhoo' as kuungá'. Heé deeloorí gaa meetagaas gár kuwa hariím a gaasa. Nee heé gadiyeé gaa tleehh deeloorihe a baynitisa dirhunge.

TI'INAANGW 34:18

«Deeloodá' ur ar mikaáteedá' taa sluuftisiiká inslawaak. Mikaáteedá' ta sluuftisiiká an /agá' ay deelo faanqw ar adoodá' aníng ngira hara'ayiím, qoomaadá' taa qaroó qaás ar slahhángw ta bay Abibu, asma an qoomár kuungá' niwa baraá yaamaá Misrír wa ti'ité'.

TI'INAANGW 34:25

«Tseerér gár taa ilahhooar'eé' wa gaás mingi hanisara' dinkwa nee mikaátér taa sluuftís, nee sleeme ilahhooadár gár taa gaás ar deelór Pasaáka ma meetisaara' ay matlaatle.

TLAHHOÓ LAÁWI 17:10

«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

TLAHHOÓ LAÁWI 17:14

Asma slafíngw umuú gaaro i baraá tseere, an gár xoorór Israeli ngisa báw, ‹Tseerér umuú makiito'ooro ka waak /aymaaro, asma slafíngw umuú gaaro i baraá tseere.›

MALAKI 2:12

AAKOÓ MUNGÚ heé kaangwí gu tlehhiít ngu paraatli dír tlahhoó múk Yakobowo. Nee umuúqo heé AAKOÓ MUNGÚ ngu ilahhooárií hanmiisa, ngu paraatli, tam ilahhooarós sleeme mingiwa baloó haniís dír geeraá AAKOÓ MUNGÚ Aleesleemusmoowo.

FAARO 28:17

Bál mibaá nee kooán ar slahhangduú kilá' a deelór ur ar mikaáteédá' taa sluuftisiiká kawa /aga' ay deelo faanqw.

FAARO 9:13

ala barnaxés hee kuqo hhoohhoó' nee i baraá aaií diri'iiká, deelór Pasaáka gaa oohiiká as adoodá' AAKOÓ MUNGÚ nguwa ilahhooárí hanisiiká qoomaadá' hariima, i hariín kuwa slahha'eesi as daanduú tlakweemaawós.

Matayo 16:12

Nee qoomaadae eeharuuse gari sangw tsáhh ar gídaabá, gaa ádbayká tiwa harmagahhiya' nee gadaádá' ta mikaátér sluuftimiisi, ala gina adoodá' báy as tiwa harmagaahhiya' nee intsaahhatimisuú múk Farisayo nee oo múk Sadukayo.

Luka 12:1

Boo/oó kumér yaariir iri burumburiít tam tiri kilooín adaráh. Qoomaadae Yesu iri dír eeharuuseerós i axweés ngiwa babay, «Ti harmagahhe' nee gár ta mikaátér sluuftimamisi ar múk Farisayo, gídaabá a hhaahhafingw'ín.

Luka 2:43

Deeloodá' ur iwa waaráhh, qoomár ki/imaine, na/ay'ín Yesu iri alií meét baraá Yerusalemu. Ala xwayliteérós kaangwí gu xu'uká.

Tlehhema'aá ya/Abuuse 12:3

Ngiwa ár adór múk Yahudi adoodá' ngira qwal/atís, Petro guri óh sleeme. Qoomaadá' a qoomár deelór ur ar Mikaátér taa sluuftisiiká.

Galatia 5:12

Ala mukwí kuungá' nu tlaahhír i qamiím, alók masók tin kilooín tuu'utiyá'.

DABE 16:3

Ilahhooarí ma al/ayaara' nee mikaátér taa sluuftís. Deelo faanqwe mikaátér taa sluuftisiiká na /ayaak, inós kan babay mikaatér slahh'eemis, asma kuungá' ana gaanslár ti'ité' baraá yaamaá Misriro, gawaá adoorihe, deelo sleémeero kuungá' deeloodá' tawa baraá yaamaá Misrír wá ti'ité' an inslasleerá'.

DABE 16:5

«Ilahhooár Pasaáka ar muruú ta tsu/i ma tawó hanmiisara' baraá gixsadu sleémeero kudá' AAKOÓ MUNGÚ, Munguúhúng naa qoo haniisi.

DABE 16:8

Ar har afiqoomár deelo lahhooe mikaátér taa sluuftisiiká an /agá', nee bál faanqw a baalár ur ar muu iwa burumburiti as AAKOÓ MUNGÚ kuwa sluufmiisi, nee baalaadae ma gadiyuusara'.