TI'INAANGW 12:12 - Biblía Axweesantá Hhohho' ar Mungú 2004

¹² «Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

TI'INAANGW 12:12 Iomraidhean Croise

1 QOM'I 14:12

Múk Filisti iri goów, inooín munguii'ín ngay geexayé', Daudi iri oó', «Da/aak ar asla.»

WARA'AMI 135:8

Na/aá baris awa baraá yaamaá Misri gina tsuú/, awa muu nee awa makaywo.

WARA'AMI 82:1

Mungú aa sihhiít baraá tla/ángw boohharós i alé, i sakwasleemár tleehh baraá tla/eeraá munguaá hatlá' wa ale.

WARA'AMI 82:6

Aníng ana oó', «Kuungá' a mungui, nee a na/aá Munguúdá' Gáwtí dirií' kuungá' sleémeero.

WARA'AMI 91:7

Tam múk kumuú wák i dír bihhaawók huui, laqaá kumér mibaangw i hua bihhaá dakók oo doó /iyáy, ala kuúng tu baloó naahhisiiká.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

TI'INAANGW 12:23

Asma AAKOÓ MUNGÚ in waaraahh as na/aá baris awa múk Misri ngiwa tsu/i. Ala AAKOÓ MUNGÚ barnaxes tseerér taa slikín gawaá maandár do' nee gawaá nahhtá do' badu tsaraawo gaa ár, daqaní AAKOÓ MUNGÚ maraydá' gin waawaaraahh, tsu/utusmoodá' gu geemayká baraá marayhúngí ale.

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

TI'INAANGW 21:6

daqaní heedaádá' i lawaali'iít lawaalmoodá' ngu huwi dír geeraá Mungú, dír afkú do', laqaá dír nahhtá afkú do', nee kuri iia fooxiis nee aakoowós ar muqsli. Inós tari lawaalmoó heedaádá' slafiingós sleémeero.

TI'INAANGW 22:28

«Mungú mu /ooslimaar, tam geeraharusmoowók mu lu'usaar.

TI'INAANGW 6:2

Naagáy Mungú Mose guri báy, «Aníng a AAKOÓ MUNGÚ.

TI'INAANGW 9:6

Looaytleérós AAKOÓ MUNGÚ adoodá' gari tleéhh, makaydaá múk Misri ta de'en niri qatliyé', ala awa múk Israeli gár gaa eer i káhh.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

YEREMIA 43:12

Nebukadnesa asla gan oohiis baraá maraá munguaá yaamaá Misri, nee munguiiká' giri daa/ ar asla, laqaá gin ar tláy ay yaamaá Babuloni. Yaamaá Misri gin fiits ar adoodá' de'eemusmo itina ngir hingemamisi baraá tlabaawose, nee inós iri Mísrír wa waatl ar wayda.

YEREMIA 43:13

Inós uheemidaá inslaslaangw awa baraá Heliopoli, kudaá baraá yaamaá Misri gin giqáy, nee maraydaá baraá yaamaá Misri nee maraydaá munguaá yaamaá Misri giri hhaamiis ar asla.› »

YEREMIA 46:25

AAKOÓ MUNGÚ Aleesleemusmo, Munguú Israeli, i kaahi, «Ga/aaweek aníng Amoni munguú Tebesi un muúx, nee Farao nee yaamaá Misriro dinkwa nee munguii'ine nee waawitaáine, nee kudá' Farao gwaa harahhifi.

ESEKIELI 12:16

Ala panoó niiná u meetiís baraá slaqwaraaro nee baraá qwarko, nee baraá tiqtír pu/ito, as kahhó' inooín adoodá' tlii/ naa tleehhiyé' ngiwa dír xoordií ooiya'. Diirí an didá' ngiwa tsaahhiya' adór aníng tar AAKOÓ MUNGÚ.»

AMOS 5:17

Slám baraá qamaá sabiíbuuwo tsuunqumis ku úr, asma aníng an waaraáhh ar baraá tla/angwhúng. Anuú AAKOÓ MUNGÚ tí ngina oó'.»

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

FAARO 33:4

Qoomaarihe múk Misri ta baraá folituú na/ii'ín awa baris, kudá' taa tsuú/ nee AAKOÓ MUNGÚ. Asma ar tlehhemuuwihe AAKOÓ MUNGÚ munguii'ín gina sakwasleemuút sleeme.

1 SAMUELI 5:3

Looaytleér matlaatlér boo/e múk Ashdodi tawa hardáh, naxés Dagoni aa gurúr huú' yaamií ale dír geeraá sandakmooduú alqadór AAKOÓ MUNGÚ. Dagoni kuri taataáhh, kuri sihhtís dirós tidií ale.

1 SAMUELI 6:5

Gawaá adoorihe slaqsa'aá um'iidá' naa ohine' tleehhaak nee slaqsa'aá gareeraá hhituuse baraá yaamuwo, kuungá' Munguú múk Israeli kuri xirfayesá', dooqa Mungú dakós gu har'oh gawaahunge, nee gawaá munguiihunge, nee baraá ayaahunge.