TI'INAANGW 11:7 - Biblía Axweesantá Hhohho' ar Mungú 2004

⁷ Ala baraá múk Israeliwo tam seeoó gi i hhuheliím i kaahh, laqaá makay'ín, as kahhó' kuungá' kawa tsahha' adór aníng múk Israeli ngura paraátl dír múk Misriro.› »

TI'INAANGW 11:7 Iomraidhean Croise

YOBU 5:16

Gawaá adoorihe, narkuute harahhifo ga koón, múk tlákw ku xasltis.

WARA'AMI 7:12

Hee barnaxes aa hhu'u'uniiká, Mungú paánga ga duuq, ga/aleerós ga mahángw i qaas, ga amohhe'ees tsaxaararo.

TI'INAANGW 10:23

Heé kuqá' gwaa ar, laqaá heé suruuka gaa aleeslay baraá deeloorí tame i kaahh. Ala amór yaamuudaá múk Israeli i hooti gwa/aateema i dayá'.

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:19

Nee qwaslaare Farao guri beér, «Gaarí ar dákw Mungú.» Ala Farao muunaáwós guri gawdeés, inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:22

Ala baalaadae aníng yaamaá Gosheni i paraátl, kudá' muk'eé' i hooti, as ba'ár ngiwa kayká. Kuungá' kari tsahhá' adór anuú AAKOÓ MUNGÚ nir baraá yaamuuká'.

TI'INAANGW 9:26

Yaamaá Gosheni kilooín, kudá' múk Israeli i hooti, tluwoó tlaa/e gaa i tluwiiká.

TI'INAANGW 9:4

Ala AAKOÓ MUNGÚ makaá múk Israeli gin paraatl dír makaá múk Misriro, nee makiito'ór múk Israeli ar gwaa' tam ar wák i káhh.› »

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

1 Korinto 4:7

Asma heé kuúng ugwa iia tleerees ta múk hatlae a heemá? Kuúng gár ta koon i deéro ar taa tawó sleeriiká dír Munguhe. Ala bar kuúng aga tawó sleér, ahaá ala, kuúng mas daara/aán adór heé gaa gaa tawó slayká?

YOSHUA 10:21

Alaá kaangwihe muu sleémeero ina kií/ amór Yoshua ar amohhooa baraá xafay'ín kuduú Makeda. Hee tumu wák i kaahh baraá yaamuudae oo axweesantós dimbé nee múk Israeli.