TI'INAANGW 10:9 - Biblía Axweesantá Hhohho' ar Mungú 2004

⁹ Mose guri mu/aywaáts, «Atén an tlawaán nee masoombarene, nee bariiseero, nee daaqayrene, nee dasuurene. Hikwa nee bee/ango in huwaán, as AAKOÓ MUNGÚ Munguúrén kuwa deelór úr i tleehhaan.»

TI'INAANGW 10:9 Iomraidhean Croise

IIMU/UUNGW 50:8

Doó Yosefu nee maraá hhaeewose nee doó baabuúwose sleeme tana daqáy. Na/ii kilooín kina geexáy, nee bee/aangw nee hikwaaine baraá yaamaá Gosheni.

TI'INAANGW 10:10

Farao inooín giri báy, «AAKOÓ MUNGÚ ta dinkwa nee kuungá', barnaxes aníng kuungá' naa qo tsuwa geemáw nee tlaawayhunge nee na/iihunge. Ala kuungá' gár taa qoomesé' gawaá sagerhunge ka hhooeeká.

TI'INAANGW 10:26

Makayrén awa de'eengw aqo in ar tlawaán, tam fuquno u geexawanaaká. Asma bar AAKOÓ MUNGÚ Munguúrén sluufmisuú awaán, an tsawdimaán baraá tla/angw'ín wa ale. Atén hamí ar ta ilahhooár wa haniisaan dír AAKOÓ MUNGÚ a xuanaaká ay dír nay amoodií hardahaan.»

TI'INAANGW 12:32

Bee/angwhúng nee hikwaahunge ar tlawaak, ala ti aleefiriinde', aluurén i hhooaye'.»

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 12:38

Boo/oó yaariír oo múk hatlá' sleeme iri haragwaá' baraá loohuuseedár Israeli, tari alkoné' nee daqooroó yaariír oo muruú ququmát nee hikwaaine.

TI'INAANGW 13:6

Baalaadá' binda xeér mikaátér taa sluuftisiiká an /agá' deelo faanqw, bál faanqw an baalaadá' deelór ur kawa tlehha' as AAKOÓ MUNGÚ.

TI'INAANGW 3:18

«Inooín afoorók ngi axaasiyá', kuúng nee bariisér Israeli ta amór waawutmoó Misri keerá', ku beera', ‹AAKOÓ MUNGÚ, Munguú múk Ebrania, nee atén tina doogaán. Daxta u firiimaán, ya/aám haniisang tawa tlawaan deelo tám baraá xaanxaay, as ilahhooár muruú ta tsu/i kawa hanisaan dír AAKOÓ MUNGÚ Munguúrén.›

TI'INAANGW 5:1

Aluudae Mose nee Aroni tari amór waawutmo Farao káy, kuri báy, «AAKOÓ MUNGÚ, Munguú Israeli, i kaahi, ‹Muk'eé' geemaweek, deelór ur ngi baraá xaanxáy wa tleehhiye' as aníng.› »

TI'INAANGW 5:3

Inooín nguri bayé', «Munguú Israeli tina dirén i geehhooeés. Atén ti geemeer tawa aa'aá kawaan baraá xaanxaay deelo tame, as ilahhooár murú ta tsu/i ngiwa haniisár awaan dír AAKOÓ MUNGÚ Munguúrén. Bar adooriheeká inós atén tin tsuu/ ar tiqtír pu/i, laqaá ar slaqwara.»

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

FAARO 29:12

«Slahhángw faanqw bál bar mibaá nee kooán, dinku'uumár hhoohhoo' ka tlehhá'. Baalaarihe ma gadiyuusara'. Deeloorí ur an AAKOÓ MUNGÚ i tlehhá' ay deelo faanqw.

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»