TI'INAANGW 1:7 - Biblía Axweesantá Hhohho' ar Mungú 2004

⁷ Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

TI'INAANGW 1:7 Iomraidhean Croise

IIMU/UUNGW 1:20

Mungú iri oó', «Ma'aay i hatsiye' muruú slafa, nee tsir/ór baraá yaamaá kaahaar ar gáwtí tlatlaw i deerut.»

IIMU/UUNGW 1:28

Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 13:16

Aníng xwaylarók a ureés ngari adór teerír yaamu tleéhh. Barnaxes hee teerír yaamu faarooro ga aleesláy, daqaní xwaylarók sleeme ga aleesláy faarooro.

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 26:22

Naagáy Isaka iri tláy amór hatlá', hhalángw hatlá' guri foól. Ala kwí kwaa gilá wa slayká, Isaka hhalaangwí guri báy Rehoboti, iri oó', «Daxta AAKOÓ MUNGÚ taa pa/ángw i haniís, atén an doogimaán baraá yaamukae.»

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

IIMU/UUNGW 35:11

Mungú guri báy, «Aníng an Munguú duú Aleesleemusmoó mura' sleémeero, kumiít tawa doogiin. Xoordaá yaariir nin baraawók wa ti'iitiyá', nee waawitá sleeme.

IIMU/UUNGW 46:3

Iri oó', «Aníng a Mungú, Munguú baabuúwók, ma da'ayumiitaar tawa Misrírí /et, asma aníng kuúng u xoorór ur tleéhh baraá ayaaqane.

IIMU/UUNGW 47:27

Múk Israeli iri hoót baraá yaamaá Misrír wa alé, dirka ta bay Gosheni, daqaari'iima kari sláy, tari doogín nee tari ló' wa tlaáhh.

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

IIMU/UUNGW 48:4

Iri báy, ‹Ga/aaweek, aníng kuúng u xwayla doók, uri tlahhás, aníng uri xoorór ur tleéhh, slám xwaylarók ngari yaamuká' i haniís, tawa kooín ay kureeraá kureér.› »

IIMU/UUNGW 9:1

Aakoó Mungú Noa guri tsuúq, nee daaqaywose, giri báy, «Laqwaalé', doogaagimé', yaamu hatsiisaak.

NEHEMIA 9:23

Xwaylar'ín kari tlahhás adór tsatse/uú doori, kiri húp ay baraá yaamuudá' taa baabi'ii'ín i al'axwés as ngiwa aaliya'.

WARA'AMI 105:24

AAKOÓ MUNGÚ mukós guna tsuúq tari ló'wa laqwaál, giri /uurií haniís ta wakuuser'ine.

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

TI'INAANGW 1:12

Ala adoodá' inooín múk Israeli ngura slehh'eemisiyé' an adoodá' nira ak tlahhiyé', nee niri tsiyayaaxatiyé'. Múk Misri iri ló'wa da'ayumiiít as xoorór Israeli.

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 5:5

Waawutmo farao iri kumiít axweesanto giri báy, «Ga/aawaak, daxta inooín ki ur ta múk yaamuukae, ala kuungá' an sla'á' gadiyeé kawa may.»

ESEKIELI 16:7

‹Slaáf nee uráw adór sla/ito'ór baraá qaymór wa ale.› Kiíng tari ureér, tari tleeruúr adór dasi. /Aami iri tsaxát, iseemaawók nari kiki'iné' nee se'eengók niri uraaráy, ala kiíng a /aankwetsuú kilá'.

Tlehhema'aá ya/Abuuse 13:17

Munguú mukuú Israeli baabi'iirén gina tsawaár, giri xoorór ur tleéhh, qoomár tawa lawaale baraá yaamaá Misriro. Inós ngiri baraadá' wa duúx ar /uuruuwós.

DABE 10:22

Baabi'iihúng qoomár niwa baraá yaamaá Misrír i tlayé', inooín an muu mibeeri faanqw kilós, ala hám daxta AAKOÓ MUNGÚ, Munguúhúng naa tlahhás adór tsatse/uú gawaá doori.»

DABE 26:5

/Aymi'iiká' kiri dír geeraá AAKOÓ MUNGÚ, Munguúwók wa ó', ‹Baabuúeé' a heé Aramu, kudá' aa tonganuumamiis amorqá' nee tiqae, aluuwo iri tláy ay yaamaá Misri, iri amoodá' wa hoót adór dahaaymo. Inós nee múk do'ose, qoomaadae a múk ló'wa niiná, aluuwo inooín niri tlahhiyé' tari xoorór yaariir, nee ar /uuruú koom.