TI'INAANGW 1:17 - Biblía Axweesantá Hhohho' ar Mungú 2004

¹⁷ Ala /ameenadá' /ameenár asla a'aw a /ameenár Munguú ilaiwawaa/, inooín adoodá' waawutmoó Misri ngaa báy ngaa tleehhi'iiká, asma na/aá daaqaay ngaa tsu/i'iiká.

TI'INAANGW 1:17 Iomraidhean Croise

IIMU/UUNGW 20:11

Abrahamu iri oó', «Asma ana ár adór diirihe Mungú kur da'ayumiitiiká, nee mukwí aníng i gaas, asma harer'eé' kawa hayota'.

IIMU/UUNGW 42:18

Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.

2 SAMUELI 24:4

Ala ooadár waawutmo i /uuruú koón dír Yoabuwo, nee dír geeraharuusedár slaqwaraaro. Naagáy, Yoabu nee geeraharuuseedár slaqwara tari tláy dír geeraá waawutmoó wa alé, as múk Israeli kuwa faarár ay.

NEHEMIA 5:15

Ga/aawuuseedá' aa giiriin a huwaá ilo' dír muko as iwa muruú /aymár iinuusiya', nee difaáiro dinkwa nee shekeéli mibeeraá tsiyáhh ar peésa, slamí sagadiyuuser'ín muu guna sawaawuti'iín. Ala aníng adoosíng aga tleehhiiká, asma aníng Mungú u ilaiwawaá/.

ESTA 3:3

Naagáy sagadiyuusér waawutmo tidá' afkú doó waawutmo i dirii', Mordekai kuri báy, «Baré kuúng hara'ayár waawutmo an waaqaaqá'?»

WARA'AMI 31:19

Hhooeemaawók adór kir úr, kudá' taa qás as mukdá' kuúng u ilaiwawaá/, kudá' taa tléhh dír mukdá' kuúng u i gogoowa, dír geeraá muko.

TI'INAANGW 1:18

Naagáy waawutmoó Misri /ameenadá' /ameenár asla a'aw gari ateét gari yaahamiís, «Ahaá waáy gár adoorí kasa tlehhé', na/aá daaqaay kiwa meeré' tsu/utaaro?»

TI'INAANGW 1:21

Nee /ameenadá' /ameenár asla a'aw as tawa /ameenár Munguú ilaiwawa/, Mungú giri xwaylár i haniís.

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 8:13

AAKOÓ MUNGÚ bur ilaiwawá/ a tlakweema i áhh; Daara/aangw ugwa aáhh, nee hi/niro, nee lohdaá tlakwe, axweesanoó sagagawda ugwa aáhh sleeme.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

DAHARUSMO 8:12

Tlakuuse tlakweema gin tlehhahhít ay sagaá wa tsiiru, tam adoorihe i qatliaaká. Ala aníng a xuú' mukdaádá' Mungú ilaiwawaá/ a múk amohhoó', asma inooín Mungú ngu da'ayumitiyá'.

DANIELI 6:13

Waawutmo nguri bayé', «Heedaádá' ta bay Danieli, kudá' tinda huúw baraá yaamaá Yuda wa alé, kuúng u iiárií qaminká, laqaá hara'ayaadá' kuúng taa dugunií qás ga iialooeesiiká. Asma inós umuú baalaaro firo ngi hhe'eemisi ay sagaá wa tám.»

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

Tlehhema'aá ya/Abuuse 5:29

Petro nee ya/abuuse tari oó', «Gár atén tiwa hariím a Mungú un iialooeemisaán ta múk aleesleemuú kooma.

1 SAMUELI 22:17

Waawutmo xuumuuseedá' aa bihhaawós i sihhit gari báy, «Kaahamuuseesír AAKOÓ MUNGÚ harawarqawaak, tsu/aak, asma inooín axweesanti'ín a wak nee Daudi, slám adór Daudi ira goów, inooín ngi xuiyá', ngiri duqné'.» Ala sagadiyuusér waawutmo tana sií', kaahamuusér AAKOÓ MUNGÚ kawa tsu/i.