TI'INAANGW 1:14 - Biblía Axweesantá Hhohho' ar Mungú 2004

¹⁴ Slafingw'ín iri tlií/ as gadiyér gawit ar ki haniís, ar busla nee ar matofaáli tlehhit, nee gadiyeé sleémeero ar qamu. Baraá gadiyeduuká' sleémeerowo múk Israeli kuna /uurutís baraá gadiyeé ar gurtleemu wasle.

TI'INAANGW 1:14 Iomraidhean Croise

IIMU/UUNGW 15:13

AAKOÓ MUNGÚ Abramu guri báy, «Xueek, xwaylarók ka /aytiis baraá yaamaá kooineeká, tari /eetuuse. Inooín kiri lawaale tleehh, kiri slahh'eemiis ar har afi qoomár kureeraá tsiire tsiyáhh.

1 WAAWITÁ 12:14

hara'ayár masoombár qartós gari eehár, muu guri báy, «Baabuúeé' kuungá' nuna huwár iiloóí tsa/aás, ala aníng huwaarí an ló'wa iiloeés. Baabuúeé' kuungá' nuna muúx ar qawaay, ala aníng kuungá' nun muúx ar xiiraawe.»

WARA'AMI 129:1

Hám daxta Israeli i ooi, «Aníng taa ló'wa baramaanuús iimír masoombi'iimar'eene.

WARA'AMI 68:13

Ala tam muu bahh'alé ta áykwí meeti deeloodár slaqwaraaro, ala murslaaqatuduú hhooki oo hhampe'eeriwós taa tleéhh ar sahaábu, i gwa/aat.

WARA'AMI 81:6

Huwaá gawaá suumarók ina aweeriís, lakwantír gawaá dabaawók ngiri hingeés.

TI'INAANGW 1:11

Gawaá adoorihe inooín múk Israeli kuri sagesihhtuuseérí qaás as kiwa slahh'eemisi nee kiwa /uurutimiisi baraá gadiyér tawa bihhií noongo'ootiiká. Inooín Farao nguri gixsadaá Pitomu nee Ramesesírí tleehhiyé' awa ta murií babaatsi.

TI'INAANGW 1:13

Naagáy múk Misri xoorór Israeli gari ló'wa slahh'eemiís ar gadiyér gawít ta adoodár geeraawo.

TI'INAANGW 1:15

Aluuwo waawutmoó Misri /ameenadá' ta bay Shifra nee Pua, tidá' /ameenár múk Ebraniár asla a'aw, giri fuqnií qaás, gari báy,

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 6:9

Mose múk Israeli guri ádbáy, ala inooín Mose ngwa iiárií qaasi'iiká as niwa munesi'iyé' as lawaali'iimár gawit.

AXWEESANOÓ SAGALOOA 28:15

Geeraharusmoó tlaákw bar narkuute gaa geerahaár a adór dirángw /oroótl nee dubú giliím.

ISAYA 10:24

Gawaá adoorihe, Aako MUNGÚ Aleesleemusmo i kaahi, «Xaysé', muk'eé' kuungá' awa Siyonír hootá', ma da'ayumitaara' qoomár burnu muxiyá' ar hhara nee ar qawaay, tam ugwa daanda tsi/isi ar adoodá' múk Misri aa tlehhiít.

ISAYA 14:6

Hhartadá' naa múkár muxiyé' ar xaraasleema ar muxtár ga/alér ilaa/a wasl. Hhartadá' xoordu kira sawaawuti'ii'ín ar buhhta, nee ar slahh'eemisuú baloó lakiitaaká.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

ISAYA 52:5

Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

TLAHHOÓ LAÁWI 25:43

Hhiyaawók mu sawaawuti'iimaar ar xarasleema, ala Munguúwók na ilaiwawa/eek.

TLAHHOÓ LAÁWI 25:46

Lawaleerí an hanís dír na/iiwók tawa kooín baraá slafingw'ín sleémeero. Kuká' i aleesleér kiwa lawaale tlehh. Ala hhaeewók awa xoorór Israeli mi sawaawuti'iimaar ar xarasleema.

TLAHHOÓ LAÁWI 25:53

Qooma sleémeero ar iwa doó aakoowós i dirii'i, a gár hariim kuwa bu'utuú umuú kurkií haniisi adór sagadiyusmoó ta bu'un. Heedaádá' gwaa tlaaxw munguwa i xaraasl.

MIKA 3:3

nee fu'unaá muk'eé' in /agá', nee kaduuín in daqá', nee faduuín kiri giqeerá'. Nee in tlaqá', kiri supaapiindá' adór fadaá ta baraá hutláy qaasi, nee tay adór fu'unaá baraá qataai.

NAHUMU 3:14

Ma'aay hhekeek as kiíng iwa har'weeriya'. Koo/irók gawdeeseek, tleei leehheek, baa/í lufuu/eek, gufteeraá matofaáli kar da/ amohhe'eeseek.

FAARO 20:15

Adoodá' baabi'iirén tara yaamaá Misrír káy, amoodae tari hotaatín de'emaá yaariire, nee adoodá' baabi'iirén kira slahh'eemiís nee múk Misri, atén sleeme tiri slahh'eemisiyé'.

Tlehhema'aá ya/Abuuse 7:19

Kwí múk tlahhayrén guna baramaanuús, nee baabi'iirén giri tlehhema'aá tlákw i tlehhiít. Hara'aya gari oó' na/aá ninakw kiwa kwakwaahhi, as mindiwa hootiyé'.

Tlehhema'aá ya/Abuuse 7:34

Aníng slahha'amaayér muk'eé' aga ár, kudá' baraá Misrír i dirií'. /Aa/eeín iga axaás, aníng nina aweér as ngiwa ba/amis. Gawaá adoorihe, qwaláng, aníng kuúng u ya/aáw ay yaamaá Misri.›

DABE 26:6

Xoorór Misri tiri i xarásl, tiri slahh'eemiís, tiri /uurutimisiyé' baraá gadiyér gawit adór lawaale.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

RUTI 1:20

Naomi giri beér, «Aníng mi Naomír ateetimaara', ala ateetimaaré' ar Mara. Asma Munguú Aleesleemusmo aníng iga slahh'amaayér úr i haniís.