SEKARIA 9:8 - Biblía Axweesantá Hhohho' ar Mungú 2004

⁸ Aníng xafay'eé' un tleéhh bihhe sleémeero ar dooeé' adór xuumusmo, as hee tumu wák miwa baraadá' wa taamberuús, tam baramaanusmoó gi arbaá/ i kaahh, asma daxta slahh'amuuín ugwa ár ilaeene.

SEKARIA 9:8 Iomraidhean Croise

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 19:34

Eeít, aníng gixsarí a xuúm as daanduú ilaiwa/amer'eé' nee as daanduú sagadiyusmooeé' Daudi, gixsarí a xuúm nee ngiri ba/amís.»

2 WAAWITÁ 23:29

Qoomár waawuti'iimarose waawutmo Farao-neko oo Misri ina tláy ay yaaér Eufrate, as tiwa doogiya' nee waawutmoó Ashuru. Naagáy waawutmo Yosia iri tláy as tawa slaqwi nee Farao-neko, ala Farao-neko nguwa ár guri gaás Megido.

2 WAAWITÁ 24:1

De'emaá waawutmo Yehoyakimuwo, waawutmo Nebukadnesa oo yaamaá Babuloni ina haratláy baraá yaamaá Yuda. Waawutmo Yehoyakimu Nebukadnesa guri sagadiyuús tleehhiít har afiqoomár kureeri tame. Aluuwo iri warqáy, iri dee/anuút.

WARA'AMI 34:7

Malaykamoó AAKOÓ MUNGÚ mukdá' AAKOÓ MUNGÚ gu ilaiwawaá/, gun harweer ar slumtós as nguwa xun guri ba/amis.

WARA'AMI 72:4

Waawutmo kudá' liitlakwen ngi aleekalaa/i, múk gaa wásl ngu tu/i, nee heé múk baraamaanuús ngu nakaa/aruy yaamií alé.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 3:9

Qaytsiít, /aa/aá múk Israeli naa hardihiyé' dir'eé', slám slahh'eemisudá' múk Misri ngir slahh'eemisi ugwa ár.

AXWEESANOÓ SAGALOOA 3:25

gár tlaakw bura hhaawísh ma da'ayuumitaar, tam hhituuse ni hardata.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 31:5

Adoodá' tsir/i do'ós ngur harwedaadit an adór AAKOÓ MUNGÚ Aleesleemusmo gixsár Yerusalemu ngir xun sleeme. Inós Yerusalemu gan xún gari ba/amis Inós gan gurtláy gari tuu/.»

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 52:12

Asma kuungá' a gaanslár tleera'aaká, nee sleeme a ti'i'inda'aaká, asma AAKOÓ MUNGÚ i geeraahúng haar nee Munguú Israeli i aluuhúngí dirii' as nuwa xun.

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

YEREMIA 31:12

Nin hardihiyá' ar afór daa'aangw gawaá tloomár Siyoni. Nee hhooeemaaeé' kin saqwalalaa/, anuú AAKOÓ MUNGÚ. Hhooeemaaeé' kudaá balaangw nee difaái nee di/i, tidá' ni hanmaamiis, nee bee/aangw nee hikwa. Inooín an adór asalmoó taa eemamiís ar ma'aay, inooín gár kiwa /aár i káhh.

YEREMIA 46:13

Kaangwí an axweesantá AAKOÓ MUNGÚ aa oó' dír aarusmo Yeremia, daanduú Nebukadnesa waawutmoó Babuloni iwa haratlay yaamaá Misri,

YEREMIA 46:2

Axweesantí a tidá' aa oó' daanduú múk Misriro, nee slaqwaruusér Farao Neko waawutmoó Misri, slaqwaruusedár baraá Karkemishi bihhaá yaaér Eufrate. Nebukadnesa waawutmoó Babuloni slaqwaruuseedá' ngaa baál qoomár kurkú tsiyáhh oo waawuti'iimár Yehoyakimu, garmoó Yosia waawutmoó Yuda.

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

AMOS 9:15

Aníng i qaás baraá yaamuuín i ale, ala hingeesaro ki aleeslayká baraá yaamuudá' naa dir'ín i haniisi. Anuú AAKOÓ MUNGÚ, Munguúwók, tí aga oó'.»

SEKARIA 12:4

AAKOÓ MUNGÚ i kaahi, «Baalaadae aníng umuúqo faraásiro an dae tsaát, nee heedá' gaa i tsa/an un slarhhamúw, farsuú múk xoordaá hatlá' un taampúw, ala múk Yuda un harmagaáhh xuumaro.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

SEKARIA 14:11

Muu iri baraá gixsár Yerusalemúr wa hoot, asma lo'ór daadáw i káhh, muu iri hoot ar saxareema.

SEKARIA 9:7

Aníng fu'unaydaá tseerdaá koomá' in gawaá afer'ín wa hingeés, nee muruú /aymaadá' ta waki un hingeés gawaá sihhnaaine. Panaydá' aa meet tari oo Munguúrén, inooín tari adór múk guruú doó wák baraá tlahhoó Yudawo, nee múk Ekroni tari adór múk Yebusi.

Tlehhema'aá ya/Abuuse 7:34

Aníng slahha'amaayér muk'eé' aga ár, kudá' baraá Misrír i dirií'. /Aa/eeín iga axaás, aníng nina aweér as ngiwa ba/amis. Gawaá adoorihe, qwaláng, aníng kuúng u ya/aáw ay yaamaá Misri.›

Geehhoeemaá 20:9

Inooín tari waaraáhh ar baraá yaamu sleémeero, nee maraydaá múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.