SEKARIA 9:2 - Biblía Axweesantá Hhohho' ar Mungú 2004

² Nee gixsár Hamati sleeme tidár baraá digmií dirii', nee Tiro nee Sidoni tam inooín ki sageeloene.

SEKARIA 9:2 Iomraidhean Croise

1 WAAWITÁ 17:9

«Tláw ay gixsár Sarefati, tidár iisapoó Sidoni, ta amoodá' wa hót. Ga/aaweek, aníng /ameenír wák ar kwaalo'o ar amoodá' aga ádbáw, kuúng uwa /aymis.»

2 WAAWITÁ 23:33

Inós kuri óh nee Farao-neko, kuri tseék baraá gixsár Ribla ar yaamaá Hamati as miwa baraá Yerusalemúr wa waawuti'ín. Farao-neko Koódi gari ohín ar kilór kume tám nee tsiire tsiyáhh ar peésa nee kilór mibeeri tám nee tsiyáhh ar sahaábu.

2 WAAWITÁ 25:21

Waawutmo Nebukadnesa mukwí sleémeero guna Riblárí tsuú/ baraá yaamaá Hamati. Gawaá adoorihe, múk Yuda kuna ar tláy baraá yaamuuine.

YEREMIA 25:22

Waawitá sleémeero oo Tiro nee Sidoniro, nee waawitá sleémeero oo afaá Tlawtá Tla/aangw.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

YEREMIA 49:23

Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

ESEKIELI 27:1

Axweesantá AAKOÓ MUNGÚ ana axaás, i kat,

ESEKIELI 28:1

Axweesantá AAKOÓ MUNGÚ ana axaás, i kat,

ESEKIELI 28:12

«Heewí, tsuunqumiís daanduú waawutmoó múk Tirowo. Ku beer, Aakoó MUNGÚ i kaahi, Kuúng aáng a slaqsoó ganaá', sagalooaro a háts, nee tu ló'wa hhoohhoó'.

ESEKIELI 47:16

Didae iri kumiit ay Berota nee Sibraimu, tidár digmuú tla/ángw Damasko, nee Hamati, ay gixsár Haser-hatikoni, tidár dír digmuú Haurani.

AMOS 1:3

Tí an tidá' AAKOÓ MUNGÚ i kaahi, «Aníng múk Damasko u mawaaká muxtaaro asma tlakweema ngiwa tlehhaahhitiyé'. Asma inooín múk Gileadi nguna muxaaxiné' ar difiitamaá muqsla.

AMOS 6:14

AAKOÓ MUNGÚ, Munguú Aleesleemusmo i kaahi, «Aá múk Israeli, aníng xoororka ngi tleés amorhúng i alé, kuungá' tunduri slahh'eemiis iimír afkú dahmaá Lebo-hamatír wa alé, ay dír duxuú Araba.»

OBADIA 1:20

Xoorór Israeli tidá' taa loohatís baraá yaamaá Hala, yaamaá Foinike kin aal ay yaamaá Sarefati. Nee múk Yerusalemu kudaádá' taa loohatís baraá yaamaá Sefaradi, gixsár Negebu kan aal.

FAARO 13:21

Naagáy, mukdá' iri tláy, yaamuudá' kiri tsawtsawuusár áy iimír xaanxoó Sinír wa tleemu ay Rehobu, isaapoó loohír dahmuú aw Hamati.