SEKARIA 9:17 - Biblía Axweesantá Hhohho' ar Mungú 2004

¹⁷ Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

SEKARIA 9:17 Iomraidhean Croise

WARA'AMI 144:12

Daaqayrén masók in adór hhoó' ar uraaráy, adór dahaasíngw naa ti'iit oo ti'ina hhó'. Dasuurén a adór uheemiidaádá' Doó Mungú, kudaádá' taa parootuús ar adoodá' Doó Mungú wa hariim.

WARA'AMI 145:7

Tidaádá' baraá iinslawáy dirii' kari dahareemiis, nee kángw gan'amuuwók kuri daa'.

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 31:19

Hhooeemaawók adór kir úr, kudá' taa qás as mukdá' kuúng u ilaiwawaá/, kudá' taa tléhh dír mukdá' kuúng u i gogoowa, dír geeraá muko.

WARA'AMI 36:7

AAKOÓ MUNGÚ, sla'aarirók ar warqawaaká ka ló'wa xiríf, muu in gogoow baraá mahhtuú hhampe'eeriwók i alé.

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

WARA'AMI 90:17

AAKOÓ MUNGÚ, Munguúrén, masók hhohhoaarirók i gawaarén i dirí', gadiyér dabaarén ya/ameek, kuúng gadiyér dabaarén ka kwa/ás.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

DAA'AANGW 5:10

Sla'aarusmooeé' ku ló'wa hhoohhoó' nee in /uuruú kón. Inós ku iia tleér tla/ángw hhawaataá kumér mibaango.

DAA'AANGW 7:9

Afkók a adór difaáír tsuu'. Gimáy daxta difaái i wa/ ay dír mulqumooeé'. I gawaá slufoowós nee sihhinaawós ar wa/.

ISAYA 33:17

Kuungá' hhohh'aarír waawutmo a aandá' nee yaamaá i sawaawuti'ii'in i aandá' adór nira weelaahatiyé'.

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

YEREMIA 31:12

Nin hardihiyá' ar afór daa'aangw gawaá tloomár Siyoni. Nee hhooeemaaeé' kin saqwalalaa/, anuú AAKOÓ MUNGÚ. Hhooeemaaeé' kudaá balaangw nee difaái nee di/i, tidá' ni hanmaamiis, nee bee/aangw nee hikwa. Inooín an adór asalmoó taa eemamiís ar ma'aay, inooín gár kiwa /aár i káhh.

YEREMIA 31:14

Aníng kaahamuuser'eé' an aaxiís muruú wahhaara, muk'eé' nguri aaxiís hhooeemaaeene. Anuú AAKOÓ MUNGÚ tí ngina oó'.»

Yoeli 2:26

Kuungá' muruú /aymár yaariír un /agá', tay axá', umuú AAKOÓ MUNGÚ, Munguúhúng kuri xirfayeemisá', kudá' naa muruú waa/o/amór i tleehh. Nee muk'eé' kureeriwo ku malé mureekeesiiká.

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.