SEKARIA 9:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

SEKARIA 9:14 Iomraidhean Croise

YOBU 37:9

Bambaao ni baraá do'ós wá haratleér. Nee tsaaqwár qo duhhúm nin baraá kuuntirós wá ti'ít.

WARA'AMI 18:14

Maheeriwós gina tlaquút, wakuuseerós gari diyaá/. Kár ee, gari diyaá/ ar mankarór yaariir.

WARA'AMI 18:15

AAKOÓ MUNGÚ, wakuuseerók kawa iigahhát, kawa dae tsát ar buhhtaawók, iloodaá tlawi niri geehhouyé', iihhafiirír yaamu iri geehhoouúr.

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 31:5

Adoodá' tsir/i do'ós ngur harwedaadit an adór AAKOÓ MUNGÚ Aleesleemusmo gixsár Yerusalemu ngir xun sleeme. Inós Yerusalemu gan xún gari ba/amis Inós gan gurtláy gari tuu/.»

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

HABAKUKI 3:11

Tsee/amá nee slahhaangw niri sihhiitiyé' wa/aamer'ín tidá' i hootiya', qoomár qwiiraa/ór maheeriiwók ngiwa ariyé' iwa weelaahát, nee qoomár mitsaahhór lawaalarók ngiwa ariyé'.

HABAKUKI 3:14

Baaluusér slaqwaruuseedá' ana tlaqút ar maheeri'ín awa kilá'. Inooínaadá' naa haraatlaye' adór bambaór wa ale as atén tiwa tlatlahhasiya', inooín a adór múk a qwalaa/ as narkuute ngiwa naaqo gu/iya'.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

SEKARIA 14:3

Diirí an dír AAKOÓ MUNGÚ niwa ti'iiti, inós nee xoorduuká' tiri muxiyá' adór /iisí ir slaqwaaqun.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Rumi 15:19

ar layaá /uuruú koomá' nee ar tlehhma'aá waa/oo/amo, nee ar /uuruú Qeeruú Mungú. Gawaá adoorihe aníng alki/ituú Ya/abtór hho' ar Kristo ugwa hhe'eés iimír Yerusalemúr wa tleemu, niri harweeriím ay dír yaamaá Iluriko.

Ebrania 2:4

Tam Mungú inósuú kilá' sleeme ba/amarí gari lamabu'ún ar loohír laya nee muruú waa/oo/amo nee tlehhema'aá dimbadimbé awa /uuruú koomá', nee ar aleesleemuú dimbadimbé oo Qeeruú hhoohhoó' oo Mungú kuwa hanmiisi ar adoodá' inós i slai.

YOSHUA 10:42

Yoshua waawitaáwí sleémeero guna baál ar wa'aá wák, nee yaamuuín giri hayóh. Inós adoorí gana aleesláy tleehhamooro asma kuna aleeslaáqw nee AAKOÓ MUNGÚ, Munguú Israeli.

Geehhoeemaá 6:2

Aníng niri qaytsiít, faraásír /awaak ana ár. Heé faraásidá' gaa i tsa/an i ga/alér kón. Nee inós kuri slamángw i haniís. Iri ti'iít ar baali, nee iri baalír áy.