SEKARIA 9:13 - Biblía Axweesantá Hhohho' ar Mungú 2004

¹³ Asma Yuda ugwa qwambatís tawa ga/aler'eé', Efraimu ugwa mahángw ga/ale tleéhh, múk Siyoni un ar gadiyuús tawa paángár na/aá Giriki ngir tsuu/, án kuungá' nun paángár migusmo tleéhh.»

SEKARIA 9:13 Iomraidhean Croise

WARA'AMI 144:1

AAKOÓ MUNGÚ ku xirfayeesi, inósuduú tlaa/ar'eé'. Aníng iga intsaahhatís slaqwaraaro, slaqwarár daba' nee ditsaawo.

WARA'AMI 149:6

Xirfuú úr oo Mungú masók i baraá afer'ín waa ti'imiit. Nee paángár xaraasl ar afe tsár masók i baraá dabaaín.

WARA'AMI 45:3

Lawaalaarók qaaseek gawaá suuma, kuúnguusuú ilakaahaár, xirif a kók nee uraywo!

ISAYA 49:2

Afkueé' guna ngwatstís adór kuquú paánga iri baraá mahhtuú dakós i luú/. Iri mahángw taa duúq tleéhh, iri luú/ baraá tlaangasirós.

YEREMIA 51:20

Kuúng an yuúndueé' nee xooslmooeé' oo slaqwara. Kuúng un xoordúr naasuusúw, kuúng un waawuti'iimárár hhaamiís.

WA/AA/I 4:2

Na/aá Siyoni kudaá adór tlaa/aá tlaxo gawden, kudá' taa harafaár tawa adór sahaábú hhohhó' adór nira warqayé' niri adór xooslár tleei tleehhitiyé' tidá' taa tleéhh nee tleeusmo.

AMOS 2:11

Aníng na/iihúng ina bahh tsawaár tawa aaruuse, nee baraakarka tawa múk al'axweesanoó qamiím. Xáy, a adooríheéke, aá múk Israeli? Anuú AAKOÓ MUNGÚ tí ngina oó'.»

OBADIA 1:21

Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

SEKARIA 1:21

Án nari yaahaás, «Mukwí gár ni tlehhmuú ay a milá?» Inós iri oó', «Mukwí an kudá' naa hardah as xoordu ngiwa de'e tsati nee ngiwa hhaamiisiya', xoorduudá' /uuruú koomá', kudá' yaamaá Yuda nga i haratlaye' nee muk'ín nguri tlatlahhasiyé'.»

Efeso 6:17

Ba/ama oohaak sleeme, tawa kofiyár gawit ar ta ságw i qasa'. Nee paángár Qeeru oohaak, an axweesantá Mungú.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

Geehhoeemaá 1:16

Nee baraá dakós oo doó /iyayhe i tsatse/uú faánqw kón, nee paángár afa xaraasl badu tsaraawo i baraá afkós wa ti'iimít. Slám gitsee/aawós i gwa/aatiyá' adór tsee/amuú qoomár siiree/i.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:15

Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.

Geehhoeemaá 19:21

Nee mukdá' aa meet kuri tsuú/ ar paángár kudá' aa iwiit gawaá daanduú faraási. Paángarí dír i dahh a baraá afkós. Nee tsir/o sleémeero iri áx fu'unay'ine.

Geehhoeemaá 2:12

«Kaangwí gooiimeek amór malaykamooduú múk kríshaanáy oo baraá Pergámó i dirií', «Axweesantí dír i dahh a dír kudá' paángadá' afa xaraasl badu tsaraawo ga koóm.