SEKARIA 8:3 - Biblía Axweesantá Hhohho' ar Mungú 2004

³ Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

SEKARIA 8:3 Iomraidhean Croise

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 48:1

AAKOÓ MUNGÚ ku úr, i harín kuwa ló'wa xirfayeemisi, baraá gixsár Munguúrene, gawaá tloomarós tidá' hhoohhooe.

TI'INAANGW 29:45

Aníng nari hoót baraá tla/ángw múk Israelír wa alé. Aníng tari Munguúín.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 1:26

Aníng har'ohuuseerók a /abeemáy ki/ís, adoodár bál qaro, nee hara'ayuuseerók a /abeemáy ki/ís, adoodár bál geera. Aluuwo kiíng tiri bay, ‹Gixsár hota ganaa', gixsár inkihhím.› »

ISAYA 11:9

Baraá tloomár AAKOÓ MUNGÚ tidá' hhoohhooe gár gi slahh'ees i káhh laqaá ar gi hhaamiis, asma yaamu nin hatsiyá' xu'utír AAKOÓ MUNGUHE, adoodár ma'aay tlawi ngira hatsisiyé'.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 32:16

Sakwasleemár ganaa' kari tleehh tam baraá xaanxaywo, nee hotaá ganaa'á' niri baaliná' tam baraá qamaá balángw hamaaremisa'a.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ISAYA 65:25

Tawer nee bee/aangw tari alqáy, direeri gitso ngin adór hikwaá wa /ayiyá' nee dayshe hhape gan /ák muruú /aymár wá ale. Gawaá tloomar'eé' tidá' hhoohhoo' sleémeerowo, makiito'ór ta slahh'eesi laqaá ar ta gaasi i káhh.» AAKOÓ MUNGÚ tí gan kah.

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

Yoeli 3:21

Aníng kudá' tseerdaá múk Yuda ngaa ku'usiye', in li/áy buú', slám kudá' naa dakuusiye' i mawaaká. Anuú AAKOÓ MUNGÚ an Siyonír hoót.»

MIKA 4:1

Ala qoomár alhhe'eesáy birna xeér, tloomadá' taa Doó AAKOÓ MUNGÚ i tleéhh, ka gawdees, nee kari gáwtí tleerees ta tlom'aá hatlá' sleémeero. Xoordaá amoodá' kakaawá' hhay i tsatitiiká.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 12:6

«Baalaadae aníng geeraharuusér múk Yuda an adór hutloó asltá koóm oo baraá tla/ángw migír tleéhh, nee adór gufuú asla oo baraá tla/ángw qafo, inooín muu sleémeero oo gaa harweer ngun qwaareesiyá'. Qoomaadae múk Yerusalemu tan hoot baraá gixsar'ín wa alé ar saxareema.

SEKARIA 14:10

Yaamu sleémeero kiri warqees tay adór xatsa iimír Gebár wa tleemu ay Rimoni bihhaá Yerusalemu awa basa. Ala gixsár Yerusalemu iri gáwtí mét dirós tidá' i diri', iimír Afkú Benyamini wa tleemu ay dír afkudá' taa geerií tleéhh, ay dír afkudá' koo/i niwa warqeér slám iimír /Aampár Hananelír wa tleemu ay didá' sabiíbuú doó waawutmo kuwa tsoo/aa/iti.

SEKARIA 8:16

Adoorí na tleehhaak: Umuú heewo nee inslaawmoowós looeema ki axweesi, kwasleemadaá looeema na tleehhaak awa wayda ngu huwá' baraá marayhunge.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

Geehhoeemaá 21:10

Inós aníng iri ar tláy ar baraá Qeeru ay gawaá tloomár ur ar tleerantleer. Gixsár Yerusalemu ngiri laqán, gixsadá' hhoohhoo', i awdít gawaá doorí wa ale amór Mungú.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.