SEKARIA 8:23 - Biblía Axweesantá Hhohho' ar Mungú 2004

²³ Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

SEKARIA 8:23 Iomraidhean Croise

IIMU/UUNGW 31:41

Baraá kureeraá mibeeri tsare do'ók una hoót, una sagadiyuús kureeraá mibaá nee tsiyáhh as dasuuwók kuqá' tsár, nee kureeraá lahhooe makaay ina de'eém. Ala tam adoorihe, slaasláwar'eé' kay warqés sagaá wa mibaangw.

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

2 WAAWITÁ 2:6

Naagáy Eliya Elisha guri báy, «Gám na'ás kuúng diirí meeteek, AAKOÓ MUNGÚ iga ya/aáw ay yaaér Yordani.» Ala Elisha iri oó', «Ar adoodá' AAKOÓ MUNGÚ ir hotaatina nee adoodá' kuúng tar slafa, aníng kuúng u baloó geexawaaká.» Naagáy tsaraawo tiri alkoné'.

1 QOM'I 12:18

Naagáy Qeeruú Mungú Amasai gway hatsiís, kuduú geeraharusmoó úr oo kudaá mibeeraá tám, iri oó', «Aá, Daudi garmoó Yese, atén a kók, atén a bartók, aá garmoó Yese! Wayda, eeít wayda ta amoorók, nee wayda dír kudá' kuúng u alee/imiisá'. Asma Munguúwók an kudá' kuúng u ale/iimiís.» Aluuwo Daudi giri ilaaóh. Giri qaás geeraharuusér slaqwaruusér wa ale.

2 QOM'I 15:9

Asa muu sleémeero oo Yuda nee oo Benyaminiwo guna ateét, nee múk hatlá' kuduú baraá yaamuuwós hoót, múk Efraimu nee Manase nee Simeon. Kuká' tina paraatliyé' dír múk Israeliro, niri hotaá ayé' baraá yaamuuwós qoomár kawa ár AAKOÓ MUNGÚ, Munguúwós, tawa dinkwa nee inós.

ESTA 8:17

Nee baraá ayko, nee umuúqo gixsaro, umuúqo dír hara'ayár waawutmo i hardati nee afoorose, múk Yahudi qwala/ gway sláy, nee tay baraá/ nee muruú /aymár úr kway /aáy. Tam múk hatlá' oo yaariír tiri ilaqaamiís nee múk Yahudi, asma múk Yahudi kuna da'ayuumiít.

YOBU 19:3

Ay waaiikaá mibaangw iga tlukakiindé', aqo murumita'aakáhe iwa adoorí tlaákwí tlehhita'.

DAHARUSMO 11:2

Qasiseek múk faanqwí ale laqaá dakaát, asma baalár gár tlaakw ni barakaá yaamií hardat a xu'ká.

ISAYA 3:6

Qoomaadae hee hhiyaawós gun oh, baraá doó baabuúwós wa ale, iri ooi, «Kuúng a tlabaá koón, ti sawaawuti'iin, ti tu/ baraá slahh'amaayerí yaariire. Kuúng tari geeraharusmoorén.»

ISAYA 4:1

Qoomaadae /ameenár faanqw hhawaatuú wák gun ót tawa kaahi, «Gám atén muruú /aymaarén u /ayaán nee ti kiloorén tsiitimiisaán, ala atén ti duxut mureerén tí hingeeseek.»

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

MIKA 5:5

Heewí wayda nguri dir'ín i huuw. Qoomár múk Ashuru birna baraá ayaarén i hardáh, nee yaamuurén biringa kalaá/, atén de'eemuusér faanqw an tsawaaraán, nee geeraharuusér dakaát sleeme, ngiri ya/aawaán as tawa slaqwi.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

Luka 8:44

Ina alaá Yésúr ót, guri pasltá inqwaari kwatít, nee hamtidár kilae tseerduuwós niri qawiyé'.

Tlehhema'aá ya/Abuuse 19:12

Tam warqama' nee inqwar kudá' inós aa tsiít geeraawo, kiri huúw amór tiqtuuse, tiqtir'ín tidá' iri hungú/, tam neetlaame sleeme giri geemeér.

1 Korinto 14:25

Lu/aaroó muunaáwós iri geehhooúy. Inós daqaní Mungú guri i tumbarara'aat, guri sluufmiis, iri ooi, «Ar ló', Mungú i baraá tla/angwhúngií dirii'.»

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.