SEKARIA 8:21 - Biblía Axweesantá Hhohho' ar Mungú 2004

²¹ Yaamulouusér gixsarí in daqeér amór gixsarqá' ta kaahi, ‹Gimsé', a tlawaán ar gaanslaay AAKOÓ MUNGÚ Aleesleemusmo u harhheehhe'eesaán as tiwa tsuuqi, nee AAKOÓ MUNGÚ Aleesleemusmo kuwa leelehhitaan. Aníng niri tláw.›

SEKARIA 8:21 Iomraidhean Croise

2 QOM'I 11:16

Mukdá' sleémeero AAKOÓ MUNGÚ, Munguú Israeli, slaá' ar muunuú tsáp baraá tlahh'aá Israeliro, nee múk tlahhoó Laáwi tari alkoné' ay yaamaá Yerusalemu as AAKOÓ MUNGÚ Munguú baabi'ii'ín nguwa ilahhooár muruú ta tsu/í hanisiyá'.

WARA'AMI 103:22

AAKOÓ MUNGÚ diidi'iimisaak, kuungaádá' sleémeero taa tleéhh, umuúqo dír ti dir'a'a baraá waawuti'iimarose. Muunaáeé', AAKOÓ MUNGÚ diidi'iimiseek.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

YEREMIA 31:6

Asma qooma i hi'ít ar xuumusmo iwa ateeti gawaá geetuú tlom'aá Efraimu, iri ooi, Gusé', a tsa/amán ay Siyoni amoodá' AAKOÓ MUNGÚ, Munguúrén, i dirii'i.»

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

SEKARIA 7:2

Múk Beteli, Sharesa nee Regen-meleki nee múk hatlá' kina ya/aáw, as gurtlemuú AAKOÓ MUNGÚ nguwa firina'.

SEKARIA 8:22

Múk yaariír nee xoordaá /uureemaá koomá' ni hardihiyá' ay Yerusalemu as anuú AAKOÓ MUNGÚ Aleesleemusmo iwa leelehhiya' nee iwa harhheehhe'eesiya' as ngiwa gurtlaw.

Yohana 1:37

Eeharuuseedá' tsár Yohane gwa axas qoomár iwa axweesi, Yesu guri eehát.