SEKARIA 8:2 - Biblía Axweesantá Hhohho' ar Mungú 2004

² «Aníng Siyoni a ló'wa slaá', án da/i iga eér as inós, niri ló'wa xaraásl amór wakuuseerós. Anuú AAKOÓ MUNGÚ Aleesleemusmo tí ngina oó'.

SEKARIA 8:2 Iomraidhean Croise

1 QOM'I 12:19

Askaárír hatlá' ar tlahhoó Manase tana haragwaá' amór Daudi qoomár Daudi nee múk Filisti tiwa alkona' as tawa slaqwi nee waawutmo Saulo. Ala Daudi múk Filisti gwaa alee/isiiká, asma geeraharuusér múk Filisti ta xurumiit, Daudi ngiwa geewaqaati dír Saulo, gawaá adoorihe Daudi kway alií ki/ís.

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

Yoeli 2:18

Qoomaarí an qoomár AAKOÓ MUNGÚ da/i nguwa ot as yaamuuwós, mukós guri gurtláy.

NAHUMU 1:2

AAKOÓ MUNGÚ a Munguú da/usmo nee oo li/usmo, ga slaiiká munguú hatlá' kuwa sluufmiisi, AAKOÓ MUNGÚ i li/oó bu'ún, nee i xaaraasl kángw kilá' wa alé, AAKOÓ MUNGÚ li/aay gu buu' gawaá daanduú wakuseerós nee xarasleemawós gin amohhe'eemaamiis as wakuuseerós.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

SEKARIA 8:1

Axweesantá AAKOÓ MUNGÚ Aleesleemusmo ngiri axaás i kat,