SEKARIA 8:16 - Biblía Axweesantá Hhohho' ar Mungú 2004

¹⁶ Adoorí na tleehhaak: Umuú heewo nee inslaawmoowós looeema ki axweesi, kwasleemadaá looeema na tleehhaak awa wayda ngu huwá' baraá marayhunge.

SEKARIA 8:16 Iomraidhean Croise

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

AXWEESANOÓ SAGALOOA 12:17

Heé looeemaá axweemamiís lamabu'úngw ló' gun kah, Ala lamabu'usmoó lamusmo gár i kaahi a al/ayma.

AXWEESANOÓ SAGALOOA 12:19

Axweesantá ló' i baloó qwatká. Ala axweesanoó lama oo qoomár niina.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 22:3

Anuú AAKOÓ MUNGÚ a kah, ‹Muruú ganaá' nee oo qoóm tlehhiitaak. Heé taa daqaari'iima hayóh /iisaak dabaá múk /aytuuseero. Muu mu slahh'eemisaara' nee dahaayeero, tam na/aá panaay nee kwaeeliwo. Tam tseerdaá múk dakuús wásl mi diirí ku'umiisara'.

ESEKIELI 18:8

nee gaa birnga heéwí haniís aldaafi ga leelehhitiiká, tam slaasláwár ur ga leelehhitiiká, barnaxes dakós gwa ilaá/ dír gár tlaakwe, sakwasleema aqo gan tsaat ar gan'amu dír heé iinuús nee oo ta iinuusi,

ESEKIELI 45:9

«Anuú Aakoó MUNGÚ a kah, Kuungaá geeraharuusér Israeli, kuungá' tlakweemaá yaariir iga ló'wa tlehhé'! Muruú tlákw mawaak nee /ayta ma tlehhitara'! Muruú ganaá' nee oo hariím tlehhitaak. Muk'eé' mu gusisimaara' baraá yaamuuine. Anuú Aakoó MUNGÚ tí aga oó'.

TLAHHOÓ LAÁWI 19:11

«Ma fisiisimaara', ma al/agiimara', laqaá miti lamemií kaahara'.

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

AMOS 5:24

Gimsé', daxta sakwasleemár ganaa' ni wa/ adór duxuú ma'áy wa alé, nee hotaá ganaa'á' masók a adór yaaér baloó /oomaaká.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

SEKARIA 7:9

«Aáng muk'eé' una hara'ayaarí báw, ‹Áx sakwasleemár ganaa' tleehhaak nee hhooeemaawo, umuú heewo hhiyaawós ngu gurtlatlay.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

Matayo 5:9

Múk amohhoó' a kudá' wayduú tlehhiít, asma inooín ki na/aá Mungú báy.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»