SEKARIA 8:13 - Biblía Axweesantá Hhohho' ar Mungú 2004

¹³ Nee adoodá' kuungá' tara adór múk lo'ór koóm tleehhité' baraá xoorduuwo, aá múk doó Yuda nee doó Israeli, adoorí an adór nur ba/amis, kuungá' tay tsuuqa tleehhitá', ma da'ayumitaara' ala kuungá' na pihhé'.»

SEKARIA 8:13 Iomraidhean Croise

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

WARA'AMI 44:16

qoomár axweesanoó /ooslislíngw waaqa'ama bura axaás, nee qoomár wakusmooeé' kudá' li/oó bu'utuú wa slaá' bura ár.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

ISAYA 43:28

Gawaá adoorihe aníng geeraharuuseedá' hhohho' an meeta gaás. Aníng múk Yakobo nguri hhaamiís, nee múk Israeli nguri máw kuwa /oosliislin.»

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:18

Ana giiriím ar Yerusalemu, nee gixsadaá Yuda, nee waawitaáín nee geeraharuuser'ín, as kahhó' iwa xaanxay tleehhitiya', nari deewaaiyá', nee tawa gár ta waaqaqai nee ar ta lu'umisi. An adór i dirii'iya' ay laarí.

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 33:24

«Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 44:12

Aníng múk Yuda kudaá meet, kudá' tleemuú slaá' baraá yaamaá Misri in ar tláw, nee ngiri hhaamiís sleémeero, múk urén nee na/aá ninakwe ki tsuu/ ar paánga laqaá ar qwari. Inooín tari adór gár taa aáhh nee ar dae tlaaq, nee gár ta lu'umisi nee ar ta waaqaaqai.

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

WA/AA/I 4:15

Muu gina i tseeamín, ta kaahi, «Quutlé'! Kuungaásingá' slasla/aren, quutlé', quutlé'. Ma gaa kwatiitara'!» An gár tas múk haleleamiít nee oo tongaanuús. Múk xoordu iri oó', «Mukwí ayaarene u dahaasanaaká.»

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

SEFANIA 3:16

Baalaadae gixsár Yerusalemu kan bay «Aá gixsár Siyoni ma da'ayumitaar, dabaawók mindiwa tsatiitiyé'.»

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»

HAGAI 2:19

Xáy, dahaasiingw i baraá kuuntírií káhhi? Nee sabiíbuusíng, laqaá /aantsí, laqaá komamaánga, laqaá xaa'aá seituúni gár naa laqwaaliyé' i káhha? Ala iimír laarí wa tleemu án kuungá' nu tsuúq.»

HAGAI 2:5

Adoodá' nura al'axweesántií oó' bál niwa baraá yaamaá Misrír wa ti'ité', tam hamí, ma hhasliitara'. Qeeruueé' i baraá tla/angwhúng wa hoot.› »

SEKARIA 1:19

Malaykamoodá' nee án aga axwesaan nguri yaahaás, «Xareemiiká' gár i laqaqana' a milá?» Inós án iri mu/aywaáts, «Xareemiiká' gár i laqaqana' a xoorduudaá múk Israeli nee oo Yuda nee oo Yerusalemu ngwa diyaa/iye'.»

SEKARIA 14:11

Muu iri baraá gixsár Yerusalemúr wa hoot, asma lo'ór daadáw i káhh, muu iri hoot ar saxareema.

SEKARIA 8:15

«Hám daxta mada'ayumitaara' baraá de'emuukae asma aníng Yerusalemu aga gár hhoó i slaá' tleehhamooro, nee doó Yuda sleeme.

SEKARIA 8:9

AAKOÓ MUNGÚ Aleesleemusmo i kaahi, «Kuungá' mune hhe'eesé', kuungásingá' laarí axweesantí ngi axamiisá' tidá' aaruuse aa alki/ít qoomár iihhafirír Doó' AAKOÓ MUNGÚ Aleesleemusmo kawa qamin.

SEKARIA 9:13

Asma Yuda ugwa qwambatís tawa ga/aler'eé', Efraimu ugwa mahángw ga/ale tleéhh, múk Siyoni un ar gadiyuús tawa paángár na/aá Giriki ngir tsuu/, án kuungá' nun paángár migusmo tleéhh.»

1 Korinto 16:13

Kuungá' dalaaé', sihhitano hhe'eesé' baraá haratlintaaorhunge. Kuungá' masók a gurkwa/á', nee masók a múk /uuruú koóm.

Galatia 3:14

Kristo adoorí gana tleéhh, as kahhó' tsuuqaadá' Mungú aa al'axweés dír Abrahamu, xoordu ngiwa i hardihiya' ar loohír Kristo Yesu. Nee sleeme adoorí gana tleéhh as kahhó' atén Qeeruú hhoohhoó' kudá' Mungú naa dirén i al'axweés, kuwa slawaan ar loohír haratlintaao.

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.