SEKARIA 8:12 - Biblía Axweesantá Hhohho' ar Mungú 2004

¹² Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

SEKARIA 8:12 Iomraidhean Croise

IIMU/UUNGW 26:12

Isaka dahaasiingw guri dahaás baraá yaamudae, kurkudae iri ak bu'ún sagaáwa tsiiru. AAKOÓ MUNGÚ guri tsuúq.

IIMU/UUNGW 27:28

Mungú har'uú doori ngu haniisi, hhapér hho' ngi haniisi, balaangw nee difaáiro ni hamaariye'.

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

WARA'AMI 72:3

Tlom'i diihhooa ngi huwiye', nee mamaá hho' ngi laqwaaliye'.

WARA'AMI 85:12

AAKOÓ MUNGÚ slaslawár yaariir ngi haniis, nee bu'úngw yaariír u slawaán baraá yaamuurén wa ale.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 61:7

Kitángw mureero ilaiwa/ame a sagáwa tsár wa sleér kitángw waaqa'amaawo kuungá' yaamuuhúng in saqwalala/á'. Gawaá adoorihe baraá yaamuwo kuungá' yaamu i sagaáwa tsár wa sleerá'. Qwal/uuhúng i baloó fakiiká.

YEREMIA 31:12

Nin hardihiyá' ar afór daa'aangw gawaá tloomár Siyoni. Nee hhooeemaaeé' kin saqwalalaa/, anuú AAKOÓ MUNGÚ. Hhooeemaaeé' kudaá balaangw nee difaái nee di/i, tidá' ni hanmaamiis, nee bee/aangw nee hikwa. Inooín an adór asalmoó taa eemamiís ar ma'aay, inooín gár kiwa /aár i káhh.

ESEKIELI 34:28

Inooín ki baloó slakaatiiká nee xoorór hatlá', laqaá tawa /aymár makaá sla/a. Inooín in hootiyá' ar saxareemo, nee heé gi baloó dae tsaát i kaahh.

ESEKIELI 36:12

Aníng múk Israeli un aleesleemuú i haniís oo kuungá' tunduwa yaamií kala/an. Nee kuungá' nay aaliyá', tam na/ii'ín i malé tsu/a'aaká.›

ESEKIELI 36:30

Aníng mamaá xaai nee balángw qamu i tlahhás, as mutunduwa murekeés ar giyeé tidá' tla/ángw xoorduuwo.

ESEKIELI 36:9

Ga/aawaak, aníng a bartahúng i dirií', aníng kuungá' nu warqeés, tundu doosl tunduri dahaasín.

HOSEA 13:3

Gawaá adoorihe inooín tan ilaá wa qwaar adór tlaanguú matlaatle, nee adór har'ú gaanslár paáhh, nee adór muundoó fur'a ir tlatleer dír kitángw haritleemisuwo, nee adór quuír pa/ángw ar ti'imiit.

HOSEA 14:5

Aníng dír Israeliwo an adór hara' tleehhiít, inooín niri /ayuusiyá' adór /ar/aanti, dee/áruuín nguri kiki'iyá' adór fuuntsáruú gartá Lebanoni.

Yoeli 2:19

AAKOÓ MUNGÚ iri mu/aywaáts, mukós guri báy, «Ga/aawaak, balaangw ngu haniís, nee difaái, nee di/i, kuungá' tari axá' muruuwihe, slám nu baloó mureekeesaaká baraá tla/ángw xoorduuwo.

Yoeli 2:22

Ma da'ayumitaara', kuungá' makaá baraá xatso, asma qawór baraá xaanxaay naa harmá/. Xaai mamuuín ngaa laqwaliyé', /aantsí nee sabiíbu /ar'i ngaa slaslaaxiyé'.»

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

HAGAI 1:10

Gawaá adoorihe, doori iga tseék tam baafoó niiná oo hara' i taxatiiká, nee yaamu sleeme kaa tseék tam mamuuín ngi duuxiaaká.

HAGAI 2:18

Baalaarír laarí ar slahhángw gwaleél tawa mibeeri tsár nee tsiyáhh, an baalár iihhafiirír Doó AAKOÓ MUNGÚ tleehhamooro iwa hhooeér. Gimsé', iimír laarí wa tleemu ay amoosír aluuwo muruú ti'imiít alhooreemisaak.

HAGAI 2:19

Xáy, dahaasiingw i baraá kuuntírií káhhi? Nee sabiíbuusíng, laqaá /aantsí, laqaá komamaánga, laqaá xaa'aá seituúni gár naa laqwaaliyé' i káhha? Ala iimír laarí wa tleemu án kuungá' nu tsuúq.»

SEKARIA 8:6

AAKOÓ MUNGÚ Aleesleemusmo i kaahi, «Ala tí tam ka gawide dír ilaá mukwí aa meeti, dír ilaeene sleeme ka gáwde? AAKOÓ MUNGÚ Aleesleemusmo tí gan kah.

MALAKI 3:11

Ingigtá bu'ungwhúng hhitiim án a iigahhaát, tam balángw hhaperhúng guri hhitiindaaká, tam sabiíbuuhúng mamuuwós gi paahhasiiká qoomaarós bira xeeriiká baraá qamuuwo.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

1 Korinto 3:21

Gawaá adoorihe hee miwa daara/án as muu. Asma umuúqo gaaro a toohúng.

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

DABE 33:13

Nee daanduú tlahhoó Yosefuwo ina oó', «Yaamuuwós ki tsuuqi nee AAKOÓ MUNGÚ ar tsuuqaadá' hhoohhoo' awa gawaá dooraá dahhá', nee ar tsuuqaadá' baraá yaamaá dahhá'.

DABE 33:28

Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.

Yakobo 3:18

Mukduú loo/ír qamiím ar wayda, gadiyér'ín gár i huwahup a gan'amu.