SEKARIA 8:10 - Biblía Axweesantá Hhohho' ar Mungú 2004

¹⁰ Dír qoomaadá' ira xeeriiká heé gadiyeérose taa buú' i kaahh nee tam gadiyér makiito'o ar taa buú' i káhh, sleeme amohhooa i káhh dír heé daraaha, laqaá oo ti'imiita, asma wakuuse. Asma aníng umuú heewo una hara'awís nee mulqumoowós.

SEKARIA 8:10 Iomraidhean Croise

ISAYA 19:2

Aníng múk Misri un tlaahhírí kwaáhh, umuú heewo nee hhiyaawós tiri ayá'. Tam inslaawmo nee kuqá' tin ayá', aya nee kuqá' tiri ayá', waawutmo nee kuqá' tiri i tlayá'.

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

AMOS 9:4

Inooín tam bar kira tláy nee wakuuser'ín kiri loohatís, aníng paánga an ya/aáw amoodá' i ale, inooín kiri tsuu/. Aníng inooín in harmagaáhh ngiwa hhaamiis, ala gár hhoo' dir'ín i tleehharo a sla'aaká.»

HAGAI 2:15

«Nu firiím daxta, iimír laarí ay amoosír aluuwo muruú ti'imiít alqaytsimiitaak, dír Doó AAKOÓ MUNGÚ kura iimu/uundi'iiká tleehhamooro.

HAR'OHUUSE 5:11

Afór boo/oó muu oo dír hhaleerí iiárií qaasaak, arba/atír AAKOÓ MUNGÚ ngin alki/iitiyá', nee arba/atír doosluuseerós ar Israeli. Aluuwo múk AAKOÓ MUNGÚ niri baraá gixsar'ínií /eét.