SEKARIA 7:5 - Biblía Axweesantá Hhohho' ar Mungú 2004

⁵ «Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

SEKARIA 7:5 Iomraidhean Croise

2 WAAWITÁ 25:23

Qoomár geeraharuusér slaqwaruuse dinkwa nee muu sleémeero kaangwí kuwa axaás, adór waawutmoó Babuloni Gedalia ngura ga/aawusmooín wa qaás, inooín sleémeero niri amór Gedaliawí daqayé', baraá Mispa. Mukwí a Ishmaeli garmoó Netania, nee Yohanani garmoó Karea, nee Seraya garmoó Tanhumeti oo xoorór Netofati, nee Yesania garmoó heé Ma'aka.

2 WAAWITÁ 25:25

Qoomár slahhángw faanqwe Ishmaeli garmoó Netania, nángw naangó Elishama, kuduú tlahhoó waawutmo, ina amór Gedalia káy inós dinkwa nee múk mibaangw, Gedalia nguri muxiyé', ngway gaasiyé'. Inós sleeme múk Yahudi nee oo Kaldayo kudá' baraá Mispárí dirií' guri tsuú/.

ISAYA 43:23

Kuungá' aníng iga bee/ángw ilahhooár dá/tí hubi'iiká, laqaá iga ilaiwa/i'iiká ar ilahhooár muruú ta tsu/i. Aníng kuungá' naa al'iloouwiiká ar ilahhooa, laqaá naa slaaqatisiiká ar ilahhooár mooyángw tsuú' ar ta da/aa/an.

ISAYA 58:3

Ahaá waáy atén gár tas gwaawimaan baré ti ga/eeraaká? Gár atén tis ninawesaan, bare' tiqo gaárií xu'uká? Ga/aawaak, deelór gwaawitorhunge, kuungá' sla'aarirhúng kilós an leelehhitá', nee sagadiyuuserhúng an baramaanusá'.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 29:10

«Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

YEREMIA 52:12

Bál slahhángw kooán tawa mibaangw oo kurkú mibaá nee gwaleél iimír Nebukadnesa, waawutmoó Babuloni, waawuti'iima ngiwa iimu/ún, Nebusaradani geeraharusmoó úr oo xuumuuse, kudá' waawutmoó Babuloni sagadiyuús, ina dáh baraá gixsár Yerusalemu.

DANIELI 9:2

anuú Danieli kitaaba'aá hhohho' ina soomuús, ngiri tsaáhh adór AAKOÓ MUNGÚ aa xu'utís dír aarusmo Yeremia daanduú kureeridaá mibeeri faanqwe, kudá' gixsár Yerusalemu kawa hhitin.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

SEKARIA 1:12

Aluuwo malaykamoodú AAKOÓ MUNGÚ iri ilawaáts, iri oó', «Aá AAKOÓ MUNGÚ Aleesleemusmo, ay xaylá Yerusalemu ka siaiin gurtleemuuwo, nee gixsadaá Yudawo, kudá' taa i buhhahhiín kureeriiká mibeeraá faanqwe.»

SEKARIA 7:3

Nee kaahamuusér doó AAKOÓ MUNGÚ Aleesleemusmo dinkwa nee aaruuseero kiwa yaahasi, kiwa bay, «A kumiitána tawa tsuunqumisaan nee tawa gwaawiwimaan slahhángw kooane adoodá' ta /imamisaan kureeraá yaariir awa naa waarahhi'i.»

SEKARIA 7:4

Aluuwo axweesantá AAKOÓ MUNGÚ Aleesleemusmo aníng ngiri axaás i kat,

SEKARIA 7:6

Qoomár bar /ayiindá' nee bar wahaandá', xáy an /ayiinda'aakáhe nee an wahaanda'aakáhe as kuungá'?› »

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Matayo 23:5

Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Matayo 6:16

«Slám bar kuungá' aga gwaawindé', gitsee/erhúng ma quy'uumisaara', adór múk hhaahhafuusér wa ale. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuuín kwaa qaro hhe'eés sleemuuwo.

Matayo 6:2

«Kuúng bar gaa a heé i haniisár wa slá', ma dír múkwí kaahaar as muu ngiwa xui, adoodá' hhaahhafuuse i tlehhaahhit baraá maraá saaliingo nee baraá lohuuwo, inooín gár ta slai a masók kin xirfayeemiis nee muu. Án a kah, bu'utuuín ngwa qaroó slayé'.

Matayo 6:5

«Slám bar kuungá' Munguú firiiriindá', masók a adór hhaahhafuuseerooká. Asma inooín tan firiirín tawa sihhimiiti baraá maraá saaliingo, nee baraá afaá lohuwo, as muu ngiwa ara'ari. Án a kah, bu'utuuín ngwa qaroó slayé'.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

2 korinto 5:15

Nee slám inós ina gwaá' as daanduú muu sleémeero, as mukdá' slaáf matawa kumiít hotaango as inooín kilooín, ala ta hooti as kudaádá' aa gwaa' nee iri waasleé/ as inooín.

Kolosai 3:23

Umuúqo gaaro ar ta tlehha', tleehhaak ar muunuú /awaák. Masók a adór lawaalér Aakoó sagadiyuus, ala ar mukooká.