SEKARIA 7:14 - Biblía Axweesantá Hhohho' ar Mungú 2004

¹⁴ Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

SEKARIA 7:14 Iomraidhean Croise

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

WARA'AMI 58:9

Qoomár ngiwa tsahhi'iiká ki hingeesi, adór xwaansloó laqayá' wa ale.

ISAYA 17:13

Xoordu i kwaaraa/iyá' adór hhaahhoó ma'aá yaariir, ala Mungú gin iigahhaat niri tlatlaahhiyá' amór saaw. Kin tlatlahhaas adór fur'a xwaansloó gawaá tlom'i ngu /imaamis, adór bambaao teeri ngi /imaamis.

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

YEREMIA 12:10

De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 23:19

Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

YEREMIA 30:23

Qaytsité', bambaaór xaraasl i amór AAKOÓ MUNGÚ dáhh. Buhhta naa hardihiyé', bambaór ló'wa fukukuu'. Heé tlaákw gun saga naasuúr.

YEREMIA 36:19

Naagáy mukdá' urén Baruku nguri bayé', «Kuúng tláw nee Yeremia nahhaaté', dír tay nahhta' tam heé wák mingiwa xuú'.»

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

YEREMIA 5:15

Anuú AAKOÓ MUNGÚ a kah, ‹Aníng xoororka wák ngi amór saáw wa huúw as kuungá' múk Israeli nuwa i haraatleer. Xoorór kuungá' ta baloó bal'aaká, xoorór bál qaro, xoorór kuungá' ta tsifri xua'aaká, laqaá tam gár inooín ta kaahi kuungá' a tsahha'aaká.

YEREMIA 52:30

Kurkú mibeeri tsár nee tám oo waawuti'iimár Nebukadnesa, Nebusaradani geeraharusmoó úr oo xuumuuse, múk Yahudi oo ira tláy a tsiire faanqw mibeeri tsiyáhh nee kooán. Muu sleémeero oo taa loohatís dinkwaaro a kume tsiyáhh nee tsiire lahhoó'.

ESEKIELI 12:19

Múk yaamuuká' baweek, Anuú Aakoó MUNGÚ a kah daanduú yaamuloouusér Yerusalemu, tidá' baraá yaamaá múk Israelír hoota, kaangwí baweek, Muruú /aymar'ín ku /aay ar dae, nee ma'aay kin wahán ar amoqwaqwadiingw, asma yaamuuín nin tawo meetiyá', asma umuú heewo a /aytusmo.

ESEKIELI 22:15

Aníng kiíng i tlatlahhaás baraá xoordu sleémeero, nee iri kwakwaáhh baraá yaamaá xoordaá hatlá' i aleeró. Slasla/aruudá' baraawók i dirií' un qwaareés.

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

DANIELI 8:9

Baraá tla/ángw xareemiwós kudá' tsiyahhe, xarmoó wák ina ti'iít oo niiná, iri ló'wa uráy, iri kumiít bihhaá baskú wa alda/aáw nee ina kumiít amór yaamuudá' ló'wa xiríf.

HOSEA 9:17

Munguúeé' gin amór saáw i kwaahh, asma ngwa mayé' iiárií qaasaro. Inooín tay múk tawó tambeeruús baraá xoorduú wa alé.

Yoeli 2:3

Adoodár asla ir /ayayiin, an adór ingigtí umuú gaaro ngir hhitiin. Amór aluuine kwaáo' yaamu asla gina /ák. Qoomár iwa hu'uká yaamu a adór Edeéni, alaá iwa hú', yaamu a adór xaanxaay. Gár /uw dir'ine i káhh.

TLAHHOÓ LAÁWI 26:22

Nun makaá xaraaslá' i tleés awa na/iihúng ngi xampoamiisá', nee hikwaahúng ngiri /ayiyá' nee faarorhúng iri /aaruúr, nee lohduuhúng niri warqayá' tari adór xaanxaay.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

NAHUMU 1:3

AAKOÓ MUNGÚ ku inslaahheeká buhhtaawo, ala aleesleemuú yaariír gu kón, slám heé tlakusmo gu baloó harafaariiká tawa heé dakuús wásl. Lohduuwós i baraá fur'ár bambaao nee tluwoó duki, nee huunkáy a teerír ya'aawós.

HABAKUKI 3:14

Baaluusér slaqwaruuseedá' ana tlaqút ar maheeri'ín awa kilá'. Inooínaadá' naa haraatlaye' adór bambaór wa ale as atén tiwa tlatlahhasiya', inooín a adór múk a qwalaa/ as narkuute ngiwa naaqo gu/iya'.

SEFANIA 3:6

AAKOÓ MUNGÚ i kaahi, «Xoordu iga amór saáw i kwaáhh. Koo/ir'ín tidá' gawit tira baqiyé' aa hú'. Lohduuín kudá' uren iga hhitiím, tam heé gir ohiím i kaahh. Gixsaduuín nari tawó deewaaiyé', hee i kaahh baraadae, tam múk baraadá' hoót i kaahh sleeme.

SEKARIA 2:6

AAKOÓ MUNGÚ i kaahi, «Gimsé', guwaaré' amór yaamaá /iikú wa alé, amoodá' aníng kuungá' nuy tlatlahhaás badu sleémeero.

SEKARIA 8:1

Axweesantá AAKOÓ MUNGÚ Aleesleemusmo ngiri axaás i kat,

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.