SEKARIA 7:13 - Biblía Axweesantá Hhohho' ar Mungú 2004

¹³ Adoodá' anuú AAKOÓ MUNGÚ Aleesleemusmo inooín ngira ateetiím niri axasi'iiká, inooín sleeme aníng i ateetiyá', ala aníng i iiárií qaasaaká.

SEKARIA 7:13 Iomraidhean Croise

AXWEESANOÓ SAGALOOA 21:13

Heé iaawós gaa ditsií dahaas as /aa/aá narkutmo mingiwa axaás. Inósuú kilá' sleeme i baala wa /aa/, ala heé gu iiárií qaás i kaahh.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 11:14

Gawaá adoorihe, kuúng Yeremía, mukwí mu aleefiriirimaar, nee mi alee/aa/amimaar, mi aleefiriimaar, asma aníng i iiárií qaasaaká, tam i ateetia qoomár slahh'amuuine.»

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 14:2

Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

YEREMIA 7:27

Naagáy kuúng Yeremia, axweesantí sleémeero an mak dir'ín i ó', ala inooín kuúng u axaasiaaká, in atét ala i ooina'aaká.

WA/AA/I 3:44

Tina kilók uuntsís ar huunkáy adór firoorén uwa i hardatká.

ESEKIELI 14:3

«Heewí, mukwí muner'ín kaa óh nee slaqsa'aá munguaá hatlá', munguiiká' muu ngun gan'amisiyá' baraá tlakweema. Xáy, iqo hariínda tiwa hara'ayárí leehhi nee mukwí?

ESEKIELI 20:3

«Garmoó heewí, bariiseesír Israeli ka beer, anuú Aakoó MUNGÚ a kah, ‹Xáy, kuungá' naa hardatí'i as aníng iwa yaahasa'? Tí ar ló', adoodá' anuú Aakoó MUNGÚ nir hotaatima, aníng yaahasarhúng a baloó ya/amaaká.›

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

MIKA 3:4

Ala qooma ni hardát ar geeraharuuseerí AAKOÓ MUNGÚ nguwa firirin, ala qoomaarihe inós gi iiárií qaasiiká. Inós gitsee/aawós gin luu/ asma har qoomoó tlehhemi'ii'ín kudá' tlakw naa tleehhiyé'.

Luka 13:25

Qoomár heé do' loó' bira tláy, afkú do' burngwa tseék, kuungá' tari sihhitá' tsee/aá wa ale tawa ateetiinda' tawa kata', ‹Aáko, do' gweereek.› Nee kuungá' nuri bay, ‹Amór ta dahha' aníng a xuaaká.›

Yakobo 4:3

Slám a mak firiiriindá', ala a slasleera'aaká asma firorhúng ka tlakw. Asma an firiiriindá' as ilatleerirhúng kawa boo/esa'.