SEKARIA 7:10 - Biblía Axweesantá Hhohho' ar Mungú 2004

¹⁰ Slám kwaalo'o ma baramaanusaara' laqaá panaay, laqaá hoomoó ayaahúng hoót, laqaá narkutmo, laqaá hee inslawoó tlákw munguwa áy baraá muunaáwose daanduú hhiyaawose.›

SEKARIA 7:10 Iomraidhean Croise

WARA'AMI 140:2

kudá' muruú tlákw ngu qoomeemesá', inooín umuúqo daqto tlaahhi ngi qaminá'.

WARA'AMI 21:11

Inooín bar muruú tlákw ngun dirógí tleehhamór wa slaiyá', laqaá bir loohír leelehhiitiyá' ar kuúng tuwa qwaareesi, adoodá' ka baloó aleeslayká.

WARA'AMI 36:4

Muruú tlákw oo i tleehhamór wa slai gun aldakuut gawaá qatuuwós wa ale. Tin dahmiis baraá lohaá tlakw, inós muruú tlákw gun eeharahaar.

WARA'AMI 72:4

Waawutmo kudá' liitlakwen ngi aleekalaa/i, múk gaa wásl ngu tu/i, nee heé múk baraamaanuús ngu nakaa/aruy yaamií alé.

TI'INAANGW 23:9

«Hoomoó baraá tla/angwhúng hoót mu baramaanuusara', asma kuungá' adór hotaá dah'iima i dirii'iya' a xuá'. Asma kuungá' aáng sleeme dah'iima ana /agé' baraá yaamaá Misriro.»

AXWEESANOÓ SAGALOOA 3:29

Heé hoót ar wayda inslaawoó do'ók wa ale, mu muruú tlákw i kaahaar.

AXWEESANOÓ SAGALOOA 6:18

Muunuú muruú tlákw aldakuút, ya'aá insláhh amór tlakweema tlehhtuuwo.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 49:11

Na/iihúng awa panaay mawaak aníng ngi /aymiís, kwaeelihúng aníng i harahhifiye'.»

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

YEREMIA 7:6

Kuungá' bar dahaaye a baramaanusa'aaká nee na/aá panaywo, nee /ameenár kwaeeli, nee múk dakuús wásl tsu/utaro bura meeré' baraá yaamukae, nee sleeme munguaá hatlá' eeharahaduuwo bira meeré' as tawa qwada'aaká,

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

ESEKIELI 22:29

Umuú dii baraá yaamuwo a /ayta ina háts nee muruú iimi hayohiingw. Múk narkuute nee oo litlakwén ngun /aytiná', nee dahaaye sleeme kan baramaanuús, tam hhaslór niiná i káhh.

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

SEKARIA 8:17

Laqaá heehúng gár tlaakw mingiwa aldakuút baraá muunaáwose daanduú inslaawmoowose laqaá lo'ór lama ma sla'aara', asma tí sleémeero an tidá' ni ahhiit. Anuú AAKOÓ MUNGÚ tí ngina oó'.»

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

DABE 27:19

«Umuúqo heé hariímár hoomoó ayaahúng hoót, laqaá ar na/oó panmo, laqaá ar /ameenír kwaalo'o gaa paslis, kwaa lu'ús.» «Nee muu sleémeero ta ooi, ‹Amin.»

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.

1 Yohana 3:15

Umuúqo heé hhiyaawós gwa aahh, an kudá' múk tsu/a/iím. Nee kuungá' a xuá' adór heé múk tsu/a/iím slafíngw alhhe'eesay wásl ngur konká baraawose.