SEKARIA 6:5 - Biblía Axweesantá Hhohho' ar Mungú 2004

⁵ Malaykamoodá' aníng iri báy, «Gaarduuká' tsiyáhh a badu tsiyáhh awa yaamu nina ti'iitiyé', alaá niwa iwiwitiyé' dír geeraá AAKOÓ MUNGÚ yaamu sleémeero wa alé.»

SEKARIA 6:5 Iomraidhean Croise

1 WAAWITÁ 19:11

AAKOÓ MUNGÚ iri oó', «Tláw, gawaá tlooma i sihhiiteek dír geeraaeé'.» Naagáy AAKOÓ MUNGÚ iri waaraáhh, nee fur'ár bambaao ar tlom'i gaa diya/, nee tla/u gaa porxomis ina fukuukú'. Ala AAKOÓ MUNGÚ i kaahh baraá fur'aarihe. Alaá bambaaooro kunseeli nay hardát. Ala AAKOÓ MUNGÚ i kaahh baraá kunseelidae.

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

YOBU 1:6

Looarka wake malaykér Mungú ina burumburít dír geeraá AAKOÓ MUNGÚ. Neetlaangw sleeme iri dír dinkwaadá' i hardáh.

WARA'AMI 148:8

AAKOÓ MUNGÚ xirfayeesaak, kuungá' asla nee tluwoó tlaa/e, theluji nee tlaangú, fur'ár bambaao ar fukukuu', tidaádá' hara'ayaarós gaa boo/es.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

YEREMIA 49:36

Aníng fur'a ngi tleés gawaá Elamu ar badu tsiyhhaawo ngi daahh, aníng inooín in diyaá/ baraá hhapeemo sleémeero, tam xoorór múk Elamu kway diya/iiká iri káhh.

ESEKIELI 11:22

Qoomaarihe keruúbidá' hhaampi'ii'ín gina gwét as niwa /akumitiya' dinkwa nee /angeegéuudae, nee xirfuú Munguú Israeli i gawaaín i dirii'.

ESEKIELI 37:9

Aluuwo AAKOÓ MUNGÚ iri báy, «Heewí, afkueé' /ayeek aariím, fur'a kabeeto, Aakoó MUNGÚ i kaahi, Xáy fúr'a, qwaláng bihhe sleémeerowo nee fukuku'uút dír slaqooká' naa qatliye', kahhós i slafiyá'.»

DANIELI 11:4

Ala tam adoorihe, qoomár bira ló'wa iia tleerúy as aleesleemuuwós, waawuti'iimarós i hú' iri qasít badu tsiyáhh awa yaamu. Baraá na/iiwose oo waawuti'iím i kaahh, tam baraá yaamuudá' inós aa sawaawuti'ini heé waawuti'iím i kaahh, asma waawuti'iima ka hayoh nee múk hatlá'.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

DANIELI 7:2

Danieli iri oó', «Aníng iigu'utu una ár xweeraawo, naxés fur'a i fukuukú' bihhe sleémeerowo nee i tlawtá /eeragaamís.

SEKARIA 4:10

Asma heé gadiyér ninakw gaa waaqaa' gu qwal/ás, inooín Serubabeli ku ar iwa Doó Munguú tleehhi, tari qwalaa/. Tsaa'asoorí faanqw a ilaá AAKOÓ MUNGÚ awa xumiisá' umuú diiro baraá yaamu sleémeero.

SEKARIA 4:14

Aluuwo iri oó', «Gaarí a múk tsár oo taa iimbalaáx ar di/i oo sihhmiít bihhaá AAKOÓ MUNGÚ yaamu sleémeero wa ale.»

SEKARIA 6:1

Aníng niri malé gáwtí qaytsiít, naxés gaardaá tsiyáhh nina ti'iitiyé' baraá tla/ángw tlom'aá tsár wa ale, tlom'iidá' a tlom'aá muqslár sirda/aten.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Luka 1:19

Malaykamo iri oó', «Án a Gabrieli, kudá' geeraá Mungú i dirií'. Nee aníng tina ya/aáw nee kuúng niwa axweesaan, nee ya/abtoorí hho' ngiwa dirógií oo'.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 1:7

Nee daanduú malaykeero i kaahi, «Malaykeerós gaa tleéhh ar adór fur'a, nee sagadiyuuseerós ar adór tsángw asla.»

YOSHUA 3:11

Qaytsité' sandakmooduú alqadór Aakoó yaamu sleémeero in geerahúngií waaraahh ay baraá yaaér Yordani.

Geehhoeemaá 7:1

Alaá tihe aníng malaykér tsiyáhh ngiri ár aa sihhít bihhe tsiyáhh ar yaamu. Inooín fur'aadá' tsiyáhh ar yaamu kan ila/án, as fur'aadá' miwa fukukueeliín baraá yaamií alé, laqaá tam gawaá daanduú tlawi, nee laqaá tam gawaá umuúqo xa'anoowo.