SEKARIA 6:14 - Biblía Axweesantá Hhohho' ar Mungú 2004

¹⁴ Nee slam'iidá' kiri baats baraá doó AAKOÓ MUNGÚ, as tawa inslaslángw Heldai nee Tobia nee Yedaya nee Yosia garmoó Sefania.›

SEKARIA 6:14 Iomraidhean Croise

2 WAAWITÁ 25:18

Naagáy Nebusaradani geeraharusmoó úr oo xuumuusér waawutmo, Seraya kaahamusmoó úr oo Mungú nee kaahamusmo Sefania kuduú alee/iisusmoowós, gina ar tláy dinkwa nee múk tám kudá' afér doó Mungú xumxaaxuúm.

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 28:12

Tlaa/eedá' tsaraawo kin qaas gawaá daanduú naifeéra, Aroni ngi tseegi gawaá sum'iiwós bir dír geeraá AAKOÓ MUNGÚ káy, as tawa inslaslángw tlahh'aá mibaá nee tsár awa xoorór Israeli.

TI'INAANGW 28:29

«Naagáy qoomár Aroni bir dah dír hhoohhoó' i aleeró, tlakwayduú da/eewo ngun dahaas, kudá' sla'aarír Mungú kar tsaahhi oo taa umér tlahh'aá xoorór Israelirí gooín, as kahhó' tawa inslaslaangw dír geeraá AAKOÓ MUNGUHE daqisleém.

SEKARIA 6:10

«Qeemuusíng mukdá' taa loohatís naa ya/aáw ar Heldai nee Tobia nee Yedaya ilaooheek. Laarír kilá' tláw ay amór doó Yosia garmoó Sefania, do'odá' inooín naa kayé' niwa yaamaá Babuloni dahhiya'.

SEKARIA 6:11

Peésaasíng nee sahaábu ilaooheek, ki slamángw ar tléhh, ku dahás gawaá ságw kaahamusmoó úr oo Mungú oo ta bay Yoshua, garmoó Yehosadaki.

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

FAARO 31:54

Naagáy, Mose nee kaahamusmoó Mungú Eleasari sahaábudá' taa ilaaóh dír geeraharuuseedár slaqwaruusér kumér wa ale nee ar tsiire, kuri huúw baraá heémár Mungú as tawa gár AAKOÓ MUNGÚ gu inslawtamis daanduú múk Israeliwo.

Matayo 26:13

Án a kah, umuúqo diiro ar Ya/abtór hho' kawa alki/iiti baraá yaamu sleémeero, tí /ameenirí aa tléhh sleeme ka alki/iit as inslaslaangós.»

Marko 14:9

Ala án a kah, umuúqo dír Ya/abtór hho' kawa alki/iiti baraá yaamu sleémeerowo, nee tí /ameenirí aa tléhh sleeme ka alki/aa/iit as inslaslaangós.»

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

YOSHUA 4:7

Kuungá' ki beera', ‹Sandakmooduú alqadór AAKOÓ MUNGÚ kuwa waarahhamisi yaaér Yordaniro, ma'aá yaaér Yordani nina tla/a qasiitiyé'.› As adoorí tlaa/eeká' an inslaslángw tlehhmuuwí dír xoorór Israeliwo ay kureeraá kureér.»

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.