SEKARIA 6:12 - Biblía Axweesantá Hhohho' ar Mungú 2004

¹² Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

SEKARIA 6:12 Iomraidhean Croise

2 SAMUELI 7:13

Na/aywí an kudá' do' gu tleéhh as umuueé', nee kitaangós kuduú aleesleemu oo waawuti'iimarós un gawdeés ay kureerisleém.

ESRA 3:10

Qoomár qwatsiiruuse iihhafiirír Doó AAKOÓ MUNGÚ ngiwa hhe'és, kaahamuusér Mungú tlabaaín kudaá gadiyeé ngiri dahaasiyé', nina hardihiyé' nee tarumbeetaduuine, nee múk tlahhoó Laáwi nee oo Asafu, tindina hardáh ar mitingiraay as AAKOÓ MUNGÚ kuwa xirfayeemisi, ar adoodá' kara oó' nee waawutmo Daudi, waawutmoó Israeli.

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 53:2

Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 33:15

Deeloodae nee qoomaadae aníng halmír hota ganaa' an baraá xwaylár Daudi wá harma/atís. Inós giri geerahaar ar sakwasleemár ganaa' nee ar hotaá ganaa'á' baraá yaamuwo.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

ESEKIELI 41:1

Aluuwo heedaádá' iri huúw ay baraá guruú do', didá' hhoohhoo'. Inós loohidá' baraá dó' i darah gari qoomeés, tlenaangós oo baraay a miíta tám,

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

MIKA 5:5

Heewí wayda nguri dir'ín i huuw. Qoomár múk Ashuru birna baraá ayaarén i hardáh, nee yaamuurén biringa kalaá/, atén de'eemuusér faanqw an tsawaaraán, nee geeraharuusér dakaát sleeme, ngiri ya/aawaán as tawa slaqwi.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 8:9

AAKOÓ MUNGÚ Aleesleemusmo i kaahi, «Kuungá' mune hhe'eesé', kuungásingá' laarí axweesantí ngi axamiisá' tidá' aaruuse aa alki/ít qoomár iihhafirír Doó' AAKOÓ MUNGÚ Aleesleemusmo kawa qamin.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 26:61

tari káh, «Heewí ina oó', ‹Án do'wí oo Doó Mungú fee/aro u aleesláw nee nguri tleéhh deelo tám.› »

Marko 14:58

«Atén ugwa axaasaán i kaahi, ‹Doó Mungú kwí taa tleéhh ar daba', án un feé/, nee baraá deelo tame doó hatlá' u sihhitís oo taa dabár tleehhiiká.› »

Marko 15:29

Múk yaamuudae waraáhh Yesu guri tloqmiís, ta hara sager'ín muumukuumiis, ta kaahi, «Aháeéy, kuúngudá' Doó Mungú gu feé/, kway tléhh baraá deelo tám i alé,

Marko 15:39

Geeraharusmoó askaári, kudá' inós gura qon aa geeraawós i sihhiit, adoodá' ira gwaá' ngiwa ár, iri oó', «Ar ló' heewí a tsuwá Garmoó Mungú.»

Luka 1:78

ar gurtleemuú Munguúrén. Kwí gwa/aateemaá dooraá dahhá' ngi dirén i hardahaas,

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 19:5

Yesu niri tsee/ií ti'iít, slamángw laqaya' ngwa dahaás, nee inqwaaridá' siirdaa/aat ngaa tsiít. Pilato iri oó', «Heewí ga/aawaak.»

Tlehhema'aá ya/Abuuse 13:38

Hhaee'eé', atén ngin kuungá' i alki/iitaán, ar heewihe kuungá' gurtleemuú tlakweema u sleerá'.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

1 Korinto 3:9

Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

Ebrania 10:12

Ala Kristo ilahhooár wák kilós gana haniís as tlakweema. Ilahhooarí an tidá' hoot ay alhhe'eesay wasle. Adoorí tleehhamooro ngiwa hhe'eés, iri iwiít bihhaá dákw /iyáy oo Mungú.

Ebrania 7:24

Ala Yesu in slafaafín ay alhhe'eesay wasle, nee kahamuusi'iimarós ka baloó heé hatlá' i haniisiiká.

Ebrania 7:4

Ga/aawaak heewí adór kur úr. Asma baabuúrén Abrahamu ilahhooa gana haniís amór heewií alé. Baraá muruudá' naa haasaáng wa huwi, gár wák gana haniís baraá muruú mibaango.

Ebrania 8:3

Umuúqo kaahamusmoó úr oo Mungú kuna qaás as Mungú nguwa qeemií haniisi, nee hikwa ngiwa tsu/i ilahhooár wa ale. Gawaá adoorihe tam kaahamusmoorén kwí oo úr sleeme gár kus hariím masók gár i ilahhooár wa haniisi in deer.