SEKARIA 6:11 - Biblía Axweesantá Hhohho' ar Mungú 2004

¹¹ Peésaasíng nee sahaábu ilaooheek, ki slamángw ar tléhh, ku dahás gawaá ságw kaahamusmoó úr oo Mungú oo ta bay Yoshua, garmoó Yehosadaki.

SEKARIA 6:11 Iomraidhean Croise

2 SAMUELI 12:30

Daudi slamangwduú waawutmooín gurir tláy gawaá sagós wa ale. Iiloeemaá slamangdá' taa tleéhh ar sahaábu a adór kílo mibeeri tám nee kooán, baraá guruuwose tlaa/anoó tlaxo úr i deer. Slamangwí kuri dahaás gawaá sákw Daudi. Slám muruú yaariír oo baraá gixsadá' guna hayóh.

ESRA 10:18

Baraá tla/ángw kaahamuusér Munguhe awa /ameenár xoordaá hatlá' nga duxuutiye' a kuká': Hhay Yeshua garmoó Yehosadaki nee hhaeewós, Ma'aseya, nee Elieseri, nee Yaribu, nee Gedalia.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

WARA'AMI 21:3

Una i hardát ar tsuuqaá hho', sagós ugwa slamángw sahaábuú hhoohhoó' i dahás.

TI'INAANGW 29:6

Kofiyaádá' ka dahás gawaá sagós, slamangwdá' hhoohhoó' ku gawaá kofiyaádá' i qás.

TI'INAANGW 39:30

Inooín slamángw hhoohhoó' kuri tleéhh, kuri parootuús ar sahaábuú hhohhó', nee /aymi'i kiri gawaadá' i gooín adór kuqaá laya awa kaahá', «Gaarí kaa paraátl as AAKOÓ MUNGÚ.»

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

TLAHHOÓ LAÁWI 8:9

Mose Aroni guri kofiyá i dahaás, amór geeraawo gaa slamangwdá' taa parootuús oo sahaábu i qaás, adoodá' AAKOÓ MUNGÚ ngira hara'ayín.

HAGAI 1:1

Bál slahhángw lahhoó' tawa wak oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai dír waawutmo Yuda kudá' ta bay Serubabeli, garmoó Shealtieli, nee dír kaahamusmoó úr oo Mungú kudá' ta bay Yoshua garmoó Yehosadaki.

HAGAI 1:14

AAKOÓ MUNGÚ muunuú Serubabeli garmoó Shealtieli ga/aawusmoó Yuda guri dúk, nee muunuú Yoshua garmoó Yehosadaki, kaahamusmoó úr oo Mungú, nee munér mukdá' naa waatl baraá looháy wa ale. Tari tláy gadiyeé kawa tleehhamór ay baraá doó AAKOÓ MUNGÚ Munguúín oo Aleesleemusmo.

HAGAI 2:4

Anuú AAKOÓ MUNGÚ a kah, ‹Tam adoorihe kuúng Serubabeli muuna hhe'eés, nee kuúng Yoshua, garmoó Yehosadaki, kaahamusmoó úr oo Mungú, muuna hhe'eés sleeme. Tam múk yaamuuká' sleémeero, anuú AAKOÓ MUNGÚ a kah, kuungá' sleeme muuna hhe'eesé', gadiyeé tleehhaak, asma aníng nee kuungá' a dinkwa. Anuú AAKOÓ MUNGÚ Aleesleemusmo tí ngina oó'.

SEKARIA 3:1

Aluuwo baraá iigu'utuueene Yoshua kaahamusmoó úr oo Mungú nguri ár, aa sihhiít geeraá malaykamoó AAKOÓ MUNGÚ, Neetlaangw sleeme aa sihhiít bartá dakós oo doó /iyáy as nguwa sakwasleemuuti.

SEKARIA 3:5

Malaykamoodá' iri oó', «Slamángw hhoohhoó' ti dahase'.» Inooín kuri slamángw hhoohhoó' i dahaás, kuri malé tlabií dahaás, malaykamoó AAKOÓ MUNGÚ aa dír bihhaawós i sihhiít.

SEKARIA 6:14

Nee slam'iidá' kiri baats baraá doó AAKOÓ MUNGÚ, as tawa inslaslángw Heldai nee Tobia nee Yedaya nee Yosia garmoó Sefania.›

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

Geehhoeemaá 19:12

Ilaawós a adór tsángw asla, nee gár gawaá sagós a slam'aá yaariir. Inós kwaa umií gooín oo hee i xuiiká, aqo har inós kilós.

Geehhoeemaá 6:2

Aníng niri qaytsiít, faraásír /awaak ana ár. Heé faraásidá' gaa i tsa/an i ga/alér kón. Nee inós kuri slamángw i haniís. Iri ti'iít ar baali, nee iri baalír áy.