SEKARIA 6:1 - Biblía Axweesantá Hhohho' ar Mungú 2004

¹ Aníng niri malé gáwtí qaytsiít, naxés gaardaá tsiyáhh nina ti'iitiyé' baraá tla/ángw tlom'aá tsár wa ale, tlom'iidá' a tlom'aá muqslár sirda/aten.

SEKARIA 6:1 Iomraidhean Croise

2 WAAWITÁ 6:17

Elisha Mungú guri firín, «Aá AAKOÓ MUNGÚ, ilaá sagadiyusmooeé' kwí gweereek as iwa qaytsitiya'.» Naagáy ilaawós kari gweér nee AAKOÓ MUNGÚ, masoomodá' faras nee gaardaá asla giri ár bihhér tlooma sleémeero. Elisha ngwa harweeriyé'.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 33:11

Axweesantá AAKOÓ MUNGÚ aa oó' i warqeeraaká ay kureerisleém. Inslawoó muunaáwós i kumaamiit dír qari sleémeero.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 43:13

Aníng an Mungú, iimír hamí wa tleemu ay alhhe'eesaay, aníng an Inós. Heé gawaá dabaeene kuungá' nu tuú/ i kaahh. Heé gadiyér'eé' ga baáq a heemá?»

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

DANIELI 4:15

Ala guftano nee dee/aaruwose mawaak baraá hhape, nee gitsór naa/ ar baraá qamu, nee masók kaa tseék ar himuú muqsli nee oo muqslír sirdaa/aat. Heesíng mawaak, ku naa/amiisi nee har'uú gawaá dooraá daáhh, mawaak i hooti dinkwa nee makaá sla/a, nee i qay, gitsór baraá xatso ngi /ayi.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

DANIELI 8:22

Xarmoodá' aa qeet kitangose xareemaá hatlá' awa tsiyáhh nina ti'iitiyé', gídaabárós a tí: Waawuti'iimarí i qasít, tari waawuti'iimár ninakw tsiyáhh, ala waawuti'iimadár hatlá' tsiyahhaawo /uuru gu ak sleeraaká, adór waawuti'iimadár geeraá wa aleeró.

SEKARIA 5:1

Aníng niri malé qaytsiít naxés kitaábuú gáwtá wa hi'imiít una ár.

SEKARIA 6:5

Malaykamoodá' aníng iri báy, «Gaarduuká' tsiyáhh a badu tsiyáhh awa yaamu nina ti'iitiyé', alaá niwa iwiwitiyé' dír geeraá AAKOÓ MUNGÚ yaamu sleémeero wa alé.»

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Efeso 3:11

Mungú tí sleémeero gana qaás iimír iimu/uungo baraá muunaáwós i alé, as ngiwa boo/eesi ar baraá Kristo Yesu, Aakoorén.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.