SEKARIA 5:4 - Biblía Axweesantá Hhohho' ar Mungú 2004

⁴ AAKOÓ MUNGÚ Aleesleemusmo i kaahi, «Aníng lo'oorí an ya/aáw iri dát baraá maraá fisuuse nee baraá maraá mukdá' lo'ór lama ngi /aa/ayá', lo'oorí maray'ín giri eér, giri /ák tam waqas nee tla/uuwo.»

SEKARIA 5:4 Iomraidhean Croise

YOBU 18:15

Do'ós kudá' kaahaár, múk hatlá' baraadá' gini hotaá áy, Didií hooti kaa gufér ásltár tsataát.

YOBU 20:26

Muruuwós oo aa baáts kun hhaamiis, Mungú inós gun ásltí kwaahh guri /ak, inós nee múk do'ose giri hhaamís.

YOBU 8:15

Dooín ngun i tlintii'iyá', ala gi baloó gáwtí oohiiká, ngun mak oohiyá', ala i baloó gawduyká.

YOBU 8:22

Mukdá' kuúng ugwa aahh niri muruutiyá', maraá tlakuuse niri suquutiyá'.»

AXWEESANOÓ SAGALOOA 3:33

Lo'ór AAKOÓ MUNGÚ i daanduú maraá tlakuuse, ala doó heé ganaá' gun tsuuq.

ISAYA 24:6

Gawaá adoorihe lo'o yaamu gaa /ák, nee yaamuloouusér baraá yaamu ka slahh'eemiis as tlakweemaaín. Gawaá adoorihe yaamuloouusér baraá yaamu aa /aaruúr, nee múk niiná kilós ina meét.

YEREMIA 2:26

Adoodá' fisusmo burkwa óh ir murumaamiti, an adór múk Israeli tar muruuti. Inooín kilooín nee waawitaáine, nee geeraharuuser'ín, nee kaahamuuser'ín, nee aaruuser'ine.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

HOSEA 4:3

Gawaá adoorihe yaamu naa slahhaaiyé' nee umuúqo heé baraadí diriia in beehhuut, dinkwa nee makaá sla/ato, tsir/ór hhampe'eerír tlatlaw i beehhuumít, tam siyó baraá tlawi sleeme iri hhán.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

SEKARIA 5:3

Aluuwo iri báy, «Gár taa baraá kitaábuuwí gooín a lo'oodá' yaamu sleémeero gi /aay. Bihhaá wák awa kitaábuudae gár taa gooín a adór fisuuse kar qwaareesi iimír hamí ar harqoomoó lo'oodá', bihhaá tsare gár taa gooín a adór mukduú lo'ór lama ga /aa/aáy kur qwaareesi iimír hamí ar harqoomoó lo'oodá'.»

SEKARIA 8:17

Laqaá heehúng gár tlaakw mingiwa aldakuút baraá muunaáwose daanduú inslaawmoowose laqaá lo'ór lama ma sla'aara', asma tí sleémeero an tidá' ni ahhiit. Anuú AAKOÓ MUNGÚ tí ngina oó'.»

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

DABE 28:16

«Kuúng lo'oorí un eér baraá gixsaroge nee baraá qamuuwoge.

DABE 7:26

Slaqsi'iidá' mi ar watlaara' amór marayhúng, laqaá bar adooriheeká, kuungá' tundu adór slaqsi'iidá' wa lu'us. Kuungá' masók aqo in siá' nee kiri waaqaqa'á' asma tawa muruú taa lu'ús.»

YOSHUA 9:20

Inooín in slafíngwí mawaán as al'axweesantarén. Atén bar adoorí aga tleehhaniiká Aako atén ti slahh'eemisuú úr i huuw.