SEKARIA 5:11 - Biblía Axweesantá Hhohho' ar Mungú 2004

¹¹ Aníng iri báy, «Kan huuw ay yaamaá Shinari, kari dó'owí tleehh. Bál bar do' aa hhooáy, lakwaanti kari baraadií baats.»

SEKARIA 5:11 Iomraidhean Croise

IIMU/UUNGW 10:10

Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

IIMU/UUNGW 11:2

Alaá muu iwa bihhaá da/aáw wa tláy, xatsa kana ár baraá yaamaá Shinari. Tay amoodá' wa hoót.

IIMU/UUNGW 14:1

Qoomár Amrafeli tawa waawutmoó yaamaá Shinari, nee Arioki tawa waawutmoó yaamaá Elasari, nee Kedorlaomeri tawa waawutmoó yaamaá Elamu, nee Tidali tawa waawutmoó yaamaá Goi'imu,

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

YEREMIA 29:28

Asma inós afo gana ilahaniís baraá Babuloni iwa kaahi, ‹Loohayhúng oo har afiqoomár niinaweeká,› iri oó', ‹Marayhúng tleehhaak, hooté', qamu dooslaak, balanghúng dahaasak nee /ayimé'.› »

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

SEKARIA 5:10

Malaykamoodá nee aníng axweesá' ngur baw, «Lakwaanti amór kar kay a amá?»

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

DABE 28:59

naagáy AAKOÓ MUNGÚ kuúng un slahh'amaayeérií huuw nee na/iiwoge, slahh'amaayér baloó bawaaká nee ar fakaaká, nee tiqtír baloó fakaaká.