SEKARIA 4:2 - Biblía Axweesantá Hhohho' ar Mungú 2004

² Aníng iri yaahaás, iri báy, «Gár ta ara'aan a milá?» Án niri oó', «Gár naa ár a kitángw tsaa'asi kay qamin oo taa tleéhh ar sahaábu, gawaawose i búklír kón, nee tsaa'asór faanqw gawaawose taámboó faanqw i deer oo di/tá huwahuúw amór tsaa'asoodá'.

SEKARIA 4:2 Iomraidhean Croise

1 QOM'I 28:15

Sahaábu bahh'ale kuna qoomeés as kitángw tsaa'aso, nee kooko oo tsaa'aso, umuúqo kitángw tsaa'asiro kuna sahaábuuwós i qoomeés, nee muqslár peésa ar sla'amuut gana qoomeés as umuúqo kitaangw nee umuúqo tsaa'asi.

2 QOM'I 13:11

Umuú matlaatle nee tsiindoowo kaahamuusér Mungú ilahhooár da/a/aangw kan AAKOÓ MUNGÚ i hanmaamiis, nee mooyángw tsuua, nee mikaátér Mungú tidá' taa qaás gawaá meésaadá' taa tleéhh ar sahaábú hhohhó', nee kitángw tsaa'aso kay qamin ngun amohhe'eemisiyá', kudá' taa tleéhh ar sahaábu, as tsaa'aso kawa oohamiisi umuú tsiindoowo. Atén adoodá' AAKOÓ MUNGÚ, Munguúrén, i slai an tlehhiitaán, ala kuungá' inós ugwa geexeeré'.

2 QOM'I 4:7

Kiteeraá tsaa'aso awa mibaangw giri tleéhh ar sahaábu adoodá' aáng kara oó', giri qaás baraá matla/ángw Doó Mungú, awa kooán kina qaás bihhaá doó /iyáy, awa kooán kina qaás bihhaá doó basáy.

DAHARUSMO 12:6

Tleehharusmoowók inslaweek dír taamír slafiingók ira tsatitiiká, laqaá dír isaangaaír sahaábu ira gwa'aká, laqaá dír sirwi ira bihhaá hhalángwí gwa'aká, laqaá dír himuú ihheekamo ira baraá hhalángwí tsatitiiká.

YEREMIA 24:3

Naagáy AAKOÓ MUNGÚ aníng iri báy, «Yeremía, gár taa aán?» Aníng nguri, mu/aywaáts, «Mamaá /aantsí ina ár, tidá' hhohho' ka ló'wa hhohho', tidá' tlakw ka ló'wa tlakw, tam /ayma ga ya/aandaaká.»

YEREMIA 52:19

Geeraharusmooduú xuumuuse isanga'aay sleeme guri ar tláy, nee hhansi'i, nee iimpu, nee hutli'i, nee kiteeraá tsa'aaso kay qamaamin, nee tsukumi'idá' uren, nee isangaoó ilahhooár muruú wahaangw, xooslarí bahh'alé ar sahaábu, tooka ar muqslár /awak.

AMOS 7:8

AAKOÓ MUNGÚ aníng iri báy, «Ámos, gár taa aán?» Aníng niri oó', «Gár naa ár a hhutlmoodá' taa saga muqslír i tseék oo ta dó ár qoomeemeesi.» Naagáy Aako aníng iri báy, «Qaytsiít, hhutlmoowú qoomeemes un qaás baraá tla/ángw muk'eé' oo Israeli, mukwí daxta aníng u baloó gurtlawaaká.

SEKARIA 5:2

Malaykamoodá' aníng iri yaahaás, «Gár taa aán a milá?» Aníng nguri mu/aywaáts, nguri báw, «Kitaábuú gáwtá wa hi'imiít una ár, tlenaangós a miíta gwaleél nee uroó bihhe a miíta tsiyáhh nee tlaqi.»

Geehhoeemaá 1:12

Aníng niri warqáw as heedá' amor'eé' axweés nguwa ar. Nee qoomár niwa warqáw, kiteeraá faanqw awa tsaa'asór koomá' awa taa tleéhh ar sahaábu ina ár.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 4:5

Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geeraá kitangwduú aleesleemuwo tsaa'asór faanqw i dír geeraadá' wa ót. Tsaa'asoorí a Qeereemaá faanqw awa Mungú.