SEKARIA 3:9 - Biblía Axweesantá Hhohho' ar Mungú 2004

⁹ Tlaa/anoowí naa qaás geeraá Yoshua ga/aawaak, inós gitsee/e ngi kon faanqw, aníng gooi an tleéhh gawaawósí ale, án tlakweemaá yaamuuká' in hingeés looár wák ale.

SEKARIA 3:9 Iomraidhean Croise

1 WAAWITÁ 1:20

Kuúng waawutámo, aakooeé', ilaá múk Israeli amór i ga/aya' a amoorók, as heé iwiít gawaá kitaangók kuduú waawuti'iima aluuwoge kuwa xu'utis.

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

WARA'AMI 103:12

Adór da/aáw nee /uwa kir harasawén, an adoodá' tlakweemaarén ngira kwaáhh giri saweés direne.

WARA'AMI 118:22

Tlaa/ár qwatsiiruuse aa sí', aa tlaa/ár ur tleehhít ar do' ir gawduy.

TI'INAANGW 28:11

Umeesíng gooimeek adór kareeramo laya ngir gooaain, kari qaaliín kari qás gawaá qoloqoloó sahaábu.

TI'INAANGW 28:21

Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

TI'INAANGW 28:36

«Daqaní parereehhamtá sahaábu hhohhó' ka tléhh ar adór laya nee /aymi'iiká' ki gooiín gawaadá' i ale, awa kaaha', ‹Gaarí kaa paraátl as AAKOÓ MUNGÚ.›

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

SEKARIA 3:4

Malaykamo mukdá' geeraawós wa sihhimiít guri báy, «Tlabaawós kwisingá' slasla/aren duuxaak.» Aluuwo Yoshua guri báy, «Ga/aaweek, án tlakweemaawók iga hingeés, án kuúng u tsiitiís ar tlabaá ló'wa hhohho'.»

SEKARIA 4:10

Asma heé gadiyér ninakw gaa waaqaa' gu qwal/ás, inooín Serubabeli ku ar iwa Doó Munguú tleehhi, tari qwalaa/. Tsaa'asoorí faanqw a ilaá AAKOÓ MUNGÚ awa xumiisá' umuú diiro baraá yaamu sleémeero.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

Tlehhema'aá ya/Abuuse 4:11

Inós an tlaa/adá' taa sií' nee kuungaásingaá qwatsiiruuse, ala laatí an tlaa/adá' ur ar do' ir gawduy.

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

2 korinto 1:22

Nee slám tiri layaarós i qaás, nee Qeeruuwós nguri haniís baraá muneerén i alé as inós tawa arhaánirén.

2 korinto 3:3

Asma a gár geehhoo' adór kuungá' tar barwaárén ar amór Kristó daahh. Barwaárí kana gooín ar gadiyeérén. Kaa gooínká ar wiíno, ala kana gooín ar Qeeruú Mungú kudá' slaáf. Kaa gooinká gawaá parhheemaá tlaa/e, ala kana gooín gawaá /aare'eeraá fu'unaay, an baraá munér muu.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

Geehhoeemaá 5:6

Aluuwo Deelmoó bee/i una ár aa sihhiít dír tla/ángw kitangwduú aleesleemu, nee tla/ángw muruudá' slaáf oo tsiyáhh, nee tla/ángw bariiseedá' mibeeri tsár nee tsiyáhh. Deelmooduú bee/i bura ga/eér, inós a adór deelmoó taa gaás. Inós xareemaá faanqw gi kón, nee ilaá faanqw. Ilaadá' faanqw a qeereemaá faanqw awa Mungú, kudá' taa ya/aáw baraá yaamu sleémeero.