SEKARIA 3:7 - Biblía Axweesantá Hhohho' ar Mungú 2004

⁷ «AAKOÓ MUNGÚ Aleesleemusmo i kaahi, ‹Kuúng barnaxés loohir'eé' aga eehát, nee hara'ayar'eé' bara ót, daqaní dooeé' u sawaawuti'iín nee un de'eén, aníng pa/aangw ngu haniís oo iwa i tseewuur tla/ángw kudá' geeraaeé' wa sihhimiita'a.

SEKARIA 3:7 Iomraidhean Croise

IIMU/UUNGW 26:5

Asma Abrahamu aníng ina iialooeés, tidá' ngwa báw gari óh nee hara'ayar'eene, nee kaahir'eene nee daber'eene.»

1 WAAWITÁ 2:3

Hara'ayár AAKOÓ MUNGÚ, Munguúwók ooheek, loohirós na eehareek, kaahirós na ooheek, nee hara'ayarose, nee dabeerose, nee lamabu'uungose, adoodá' kara gooín baraá hara'ayár Mosewo. As kahhó' umuúqo gár ta tlehha iwa ya/aan nee amór taqo keera,

1 WAAWITÁ 3:14

Kuúng kangw'eé' bar ugwa ya/aán nee kaahir'eé' kari ót, nee hara'ayar'eene adór baabuúwók Daudi ira hoót, daqaní án slafiingók ngu tleereés.»

1 QOM'I 23:32

Múk tlahhoó Laáwi gadiyér'ín a xuumár heémár dinku'uuma nee didá' hhoohhoo', nee hhaeeín kudaá kaahamuusér Mungú ngiwa ale/iimisiya', kudaá xwaylár Aroni, baraá gadiyér Doó AAKOÓ MUNGUHE.

ISAYA 62:9

Ala kuungaádá' balaangw ugwa bue', un /agá' anuú AAKOÓ MUNGÚ iri xirfayeemisá'. Kuungaádá' mamaá sabiíbu iga bue', an baraá matla/ángw dooeé' kudá' hhoohhoó' wa wahaandá'.»

ESEKIELI 44:8

Kitángw geera kuungá' gadiyér'eé' tidá' hhohho' kawa tlehha', múk xoordaá hatlá' gadiyeédá' gana tleéhh didár hotaaeé' wa ale.›

ESEKIELI 48:11

Baraá yaamuuká' hhoohhooe kaahamuusér Mungú, tidár Sadoki, dir'ín ngi slaye', kudá' aníng iga sagadiyusiye' ar inkihhimu qoomár múk Iraeli iwa dee/anuút, adoodá' sleeme múk tlahhoó Laáwi aa tleéhh.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 8:35

Kuungá' an metá' dír afkú heémár Mungú deelo faanqw xweera nee tlaatla/aango, as tidá' AAKOÓ MUNGÚ naa hara'ayín kawa tlehhita', bara tsee/áy ti'ité' a qatlá'. Adoorí an adór aníng tira hara'ayín.»

SEKARIA 3:6

Aluuwo malaykamoó AAKOÓ MUNGÚ Yoshua guri gurbuú' guri báy,

SEKARIA 4:14

Aluuwo iri oó', «Gaarí a múk tsár oo taa iimbalaáx ar di/i oo sihhmiít bihhaá AAKOÓ MUNGÚ yaamu sleémeero wa ale.»

SEKARIA 6:15

«Múk sawén ni hardah as niwa alee/isoó tlehhmuú Doó Mungú ay.» Kuungá' kari tsahhá' adór AAKOÓ MUNGÚ Aleesleemusmo ira amorhúng i ya/aáw. Muruuwí i tleehharuut bar kuungá' aga ilakaaharesé' afór AAKOÓ MUNGÚ, Munguúhúng kawa iialooeemisa'.

SEKARIA 6:5

Malaykamoodá' aníng iri báy, «Gaarduuká' tsiyáhh a badu tsiyáhh awa yaamu nina ti'iitiyé', alaá niwa iwiwitiyé' dír geeraá AAKOÓ MUNGÚ yaamu sleémeero wa alé.»

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Yohana 14:2

Dír doó Baabuúeene hotángw yaariír i deer. Geera bar adooriheeká, án kuungá' naa ádbáw. Asma án hám a tláw, hotangwhúng nguwa amohhe'eesár aw.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.