SEKARIA 3:10 - Biblía Axweesantá Hhohho' ar Mungú 2004

¹⁰ Umuú heewo dirhunge inslaawmoowós gun iigu'uus iwa hardihi dír gamuú xa'anoowós oo sabiíbu nee oo /aantsihe as wayda kuwa saqwalaala/i nee amohhooa.› Anuú AAKOÓ MUNGÚ tí ngina oó'.»

SEKARIA 3:10 Iomraidhean Croise

1 WAAWITÁ 4:25

Xoorór Yuda nee ar Israeli tari hoót ar saxareemo umuú heewo dír sabiíbuuwós nee dír /aantsírós, iimír Danír wa oohang ay Be'er-sheba, deelo sleémeero ar Solomon tawa waawutmo.

1 WAAWITÁ 5:5

Ga/aaweek, aníng do' u tleehhamór wa slaá' as umuú AAKOÓ MUNGÚ, Munguúeé' adór AAKOÓ MUNGÚ, baabuúeé' Daudi ngwaa báy, iwa kaahi, ‹Garmaawók kwí ni qaas gawaá kitaangók an heé do' gu tleéhh as umuueé'.›

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 36:16

Waawutmo Hesekia mu iiárií qamiimara'. Waawutmoó Ashuru i kaahi, ‹Wayda tleehhaak nee aníng, qwalaasé' amor'eé', daqaní umuú heewo sabiíbu qaymoorós gu /aay, nee seituúnirose, nee iri hhekiit baraá hhalaangós oo kilá',

YEREMIA 32:15

Asma AAKOÓ MUNGÚ Aleesleemusmo, Munguú Israeli i kaahi, «Maraay nee qamu nee qamaá sabiíbu ki malé tlaxún baraá yaamuukae.»

HOSEA 2:18

Qoomaadae al'axweesani ngiri oó' nee makaá sla/a nee tsir/ór gawaá doori, slám nee naanagár baraá hhape, as miwa slahh'eesiyé', ga/ale nee paánga ngay geeqáw nee xoslaá hatlá' awa slaqwara ngiri hingeés baraá yaamuwo. Aníng kuungá' nuri tsuúq, tari hotá' ar wayda.

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.