SEKARIA 3:1 - Biblía Axweesantá Hhohho' ar Mungú 2004

¹ Aluuwo baraá iigu'utuueene Yoshua kaahamusmoó úr oo Mungú nguri ár, aa sihhiít geeraá malaykamoó AAKOÓ MUNGÚ, Neetlaangw sleeme aa sihhiít bartá dakós oo doó /iyáy as nguwa sakwasleemuuti.

SEKARIA 3:1 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

2 QOM'I 29:11

Daaqay'eé', kuungá' ilaiwa/ame koomaak. Asma AAKOÓ MUNGÚ kuungá' naa tsawaár gadiyeérí kawa tlehha', kuungá' tawa sagadiyuuseerós, nee inós kuwa mooyángw tsuú' i da/a/aanda'.»

ESRA 10:18

Baraá tla/ángw kaahamuusér Munguhe awa /ameenár xoordaá hatlá' nga duxuutiye' a kuká': Hhay Yeshua garmoó Yehosadaki nee hhaeewós, Ma'aseya, nee Elieseri, nee Yaribu, nee Gedalia.

ESRA 2:2

Inooín tina alkoné' nee Serubabeli nee Yeshua, nee Nehemia, nee Seraya, nee Re'elaya, nee Mordekai, nee Bilshani, nee Mispari, nee Bigwai, nee Rehumu nee Ba'ana. Faarór hhawaataá tlahh'aá Israeli a tí:

ESRA 5:2

Aluuwo Serubabeli garmoó Shealtieli nee Yeshua garmoó Yosadaki tari tláy, doó Mungú kuduú Yerusalemu kuri iimuu/ún tlehhtuuwo, inooín tina ale/iimiisiyé' nee aaruusér Mungú.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 109:6

Heé tlaákw qaaseek kwasleemár wakusmooeé' wa ale, wakuusmooeé' ku sakwasleemuti nee heé nee inós ti waká'.

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

ESEKIELI 44:11

Inooín gadiyeé ngin tleehhiyá' didár hotaaeé' wa alé, adór sagadiyuusér afér maraá dooeé' xuum, nee tawa gadiyuusi baraá dooeé' wa ale, nee hikwaadá' muu naa ilahhooár da/tá wa huwahuúw nee awa ilahhooár muruú ta tsu/i as ngiwa tsu/iya'.

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

HAGAI 1:1

Bál slahhángw lahhoó' tawa wak oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai dír waawutmo Yuda kudá' ta bay Serubabeli, garmoó Shealtieli, nee dír kaahamusmoó úr oo Mungú kudá' ta bay Yoshua garmoó Yehosadaki.

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

HAGAI 2:4

Anuú AAKOÓ MUNGÚ a kah, ‹Tam adoorihe kuúng Serubabeli muuna hhe'eés, nee kuúng Yoshua, garmoó Yehosadaki, kaahamusmoó úr oo Mungú, muuna hhe'eés sleeme. Tam múk yaamuuká' sleémeero, anuú AAKOÓ MUNGÚ a kah, kuungá' sleeme muuna hhe'eesé', gadiyeé tleehhaak, asma aníng nee kuungá' a dinkwa. Anuú AAKOÓ MUNGÚ Aleesleemusmo tí ngina oó'.

SEKARIA 1:13

AAKOÓ MUNGÚ malaykamoodá nguri mu/aywaáts ar axweesanoó tsuú' nee oo gurkwa/amís.

SEKARIA 1:19

Malaykamoodá' nee án aga axwesaan nguri yaahaás, «Xareemiiká' gár i laqaqana' a milá?» Inós án iri mu/aywaáts, «Xareemiiká' gár i laqaqana' a xoorduudaá múk Israeli nee oo Yuda nee oo Yerusalemu ngwa diyaa/iye'.»

SEKARIA 1:9

Naagáy aníng niri oó', «Aá aáko, farsuuwí gár i laqaaqan a milá?» Ala malaykamoodá' nee án axweesá' iri báy, «Aníng gár farsuuwí ngi oó'.

SEKARIA 2:3

Ga/aaweek malaykamoodá' nee án aga axweesaan naxés i amór malaykamoó hatlá' káy, oo amoorós káw.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 4:14

Aluuwo iri oó', «Gaarí a múk tsár oo taa iimbalaáx ar di/i oo sihhmiít bihhaá AAKOÓ MUNGÚ yaamu sleémeero wa ale.»

SEKARIA 6:11

Peésaasíng nee sahaábu ilaooheek, ki slamángw ar tléhh, ku dahás gawaá ságw kaahamusmoó úr oo Mungú oo ta bay Yoshua, garmoó Yehosadaki.

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Luka 22:31

Yesu iri oó', «Símon, Símon, ga/aaweek, Neetlaangw kuungá' naa slaá' nuwa haritleesi adoodár angaáno kur haritleemamisi.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

1 SAMUELI 6:20

Múk Bet-shemeshi tari oó', «Heé sihhtanór dír geeraá AAKOÓ MUNGÚ, Munguúwí hhoohhoó', ga aleesláw a heemá? Sandakmoowí amorqaá amá i xui, as kahhó' ayaarén nguwa geexay?»