SEKARIA 2:6 - Biblía Axweesantá Hhohho' ar Mungú 2004

⁶ AAKOÓ MUNGÚ i kaahi, «Gimsé', guwaaré' amór yaamaá /iikú wa alé, amoodá' aníng kuungá' nuy tlatlahhaás badu sleémeero.

SEKARIA 2:6 Iomraidhean Croise

IIMU/UUNGW 19:17

Qoomár kiwa tsee/ií duúx, malaykamoó wák iri oó', «Goów, slafiingók ba/amiseek, ló' ma alií qaytaar, tam sleeme ma dír wák i sihhiitaar baraá xatstihe, ti ba/amis gawaá tloomaarí alé, as tawa gwa'aká.»

WARA'AMI 44:2

Kuúngú kilá' múk xoordaá hatlá' una tlatlahhás ar /uuruuwók, ala yaamuuín kiri mukók i dahás, xoordaá hatlá' kiri slahh'eemís, ala baabi'iirén kiri diihhooatís.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

YEREMIA 1:14

AAKOÓ MUNGÚ iri báy, «Slaqwaruusér /iikú daahh múk yaamuuká' hoót sleémeero gu hhaamís.

YEREMIA 15:4

Aníng inooín in gár dae tlaaq tleéhh dír waawuti'iima sleémeero ar daanduú yaamuwo, asma tlakweemaadá' Manase garmoó Hesekia aa tleéhh baraá Yerusalemuro, qoomár tawa waawutmoó Yuda.

YEREMIA 3:18

De'emaadae múk Yuda nee oo Israeli ti haragwaa', sleémeero niri yaamuudaá bihhaá /iíkwí tlayá', niri hardihiyá' baraá yaamuudá' aníng naa aalír wa haniís dír baabi'ii'ín.»

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

YEREMIA 31:38

AAKOÓ MUNGÚ i kaahi, «Deelo i hardát ar gixsár Yerusalemu kawa malé /abeesi tleehharo as AAKOÓ MUNGÚ, iimír /Aampár Hananeli ay dír Afkuduú dír Koo/i niwa warqeér.

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 50:8

«/Akumiité' baraá yaamaá Babuloniro, tsee/áy ti'iitaak baraá yaamaá Kaldayo, umuú heewo kuqá' munguwa dán, adór gurtuú geeraá aara.

YEREMIA 51:45

Muk'eé', ti'itaré' baraasinge. Umuú hee slaqwtós ngi tu/i dír buhhtaá xaraaslá' awa AAKOÓ MUNGUHE.

YEREMIA 51:50

«Kuungáká panoó aa kotsqomiit tsu/utaaro, hám ti'iité', ma tligatligaara'! Tam bar baraá yaamaá saawá' i diriiá' AAKOÓ MUNGÚ inslaslawaak, nee gixsár Yerusalemu ma gunqareesara'.

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

ESEKIELI 11:16

«Ala mukwí baraá looháy dirií' ku beer, Anuú Aakoó MUNGÚ a kah, Tam naa huwi baraá tla/ángw xoordaá hatlá', nee tam naa diyaa/i baraá yaamaá hatlá', tam adoorihe qoomaarír kilae aníng a dinkwa nee inooín, amoodá' i diri'iia'.

ESEKIELI 17:21

Slaqwaruuseerós tidá' pihh'uumár koom ka tsuu/ ar paánga, nee kudá' naa meetiye' niri diyaa/atiyá' bihhe sleémeero. Daqaní kuungá' a tsahhá' adór anuú AAKOÓ MUNGÚ tí ngina oó'.»

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

DANIELI 11:4

Ala tam adoorihe, qoomár bira ló'wa iia tleerúy as aleesleemuuwós, waawuti'iimarós i hú' iri qasít badu tsiyáhh awa yaamu. Baraá na/iiwose oo waawuti'iím i kaahh, tam baraá yaamuudá' inós aa sawaawuti'ini heé waawuti'iím i kaahh, asma waawuti'iima ka hayoh nee múk hatlá'.

AMOS 9:9

«Qaytsiít, aníng hara'aya a oó' múk Israeli kuwa haritleesi baraá xoordu sleémeerowo ar adoodá' angaáno kur haritlemamiisi ar iimpe, as kudá' ganaa'a'aaká ngiwa ohiim.

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 2:7

Gaanslutaré' kuungásingá' sleémeero yaamaá Babulonír hotaatimá', ta'aaimé' ay Siyoni.»

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Marko 13:27

aluuwo malayke gari ya/aaw, badu tsiyahhaawo awa yaamu, iimír alhhe'eesaywí wa tleemu ay kuqá', as mukós kudá' aa tsawaár nguwa burumbut.»

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

Geehhoeemaá 18:4

Aníng afór hatlá' ngiri axaás ar gawaá dooraá daahh. Afoorí i kat, «Muk'eé', kuungá' ti'iité' baraawose, as ma dinku'uumisaara' nee inós baraá tlakweemaawose, nee slám as kuungá' mutunduwa muúx dinkwa nee inós.

RUTI 4:1

Boasi ina tláy amór afkú gixsa, didár kwasleema, iri didí iwiít. Naxés heedaádá' kangós Boasi aa oó' dír Ruti, iri didár waaraáhh. Inós an kuduú guruú doó Elimelekí tseéw. Boasi guri báy, «Xáy gan, qwaláng, diirí iwiitang.» Aluuwo inós nay hardáh, iri didí iwiít.