SEKARIA 2:5 - Biblía Axweesantá Hhohho' ar Mungú 2004

⁵ Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:5 Iomraidhean Croise

WARA'AMI 125:2

Adoodá' tlom'i Yerusalemu ngira harweeriyé', AAKOÓ MUNGÚ mukós gwaa adoodár harweér sleeme, iimír hamí ay alhhe'eesay wasle.

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

WARA'AMI 48:12

Hi'iimité', gixsár Siyoni harweditaak, gixsa harweera hhe'eesaak, tsitseenaá koo/irós fadiitaak.

WARA'AMI 48:3

Mungú i baraá maraydaá gixsár i dirii', inós taa laqán tawa baqmór saxamaár.

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 33:21

Ala AAKOÓ MUNGÚ ar Aleesleemuwose in baraadií dirii' as atén, yaamaá yau diren nee duxeero. Miringe nee hhansi'iwo ki baraadár uhisiiká tam meélír ur baraadá' gir otká.

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

YEREMIA 31:39

Hhutlmoó digima qoomeemes kun gan'aas iimír tloomár Garebu, iri harweerín ay dír Goa.

ESEKIELI 38:14

«Gawaá adoorihe, Heewí, aariím danduú Goguwo, ku beer, Aakoó MUNGÚ i kaahi, ‹Qoomár xooror'eé' ar Israeli iwa hot ar wayda, kuúng a xu'káhe?

ESEKIELI 42:20

Gawaá adoorihe inós bihhe sleémeero gari qoomeés, naxés badu sleémeerowo gár aa sláy a miíta tsiire tsár nee mibeeri kooán. Koo/idá' an tidá' didá hhoohhoo' gaa paratl didá' nee didá' muu i burumburimaamiti.

ESEKIELI 47:3

Heedaádá' pa/almoowós kuduú qoomeemesuwo bihhaá baraay giri da/aáw wa qoomeés miíta tsiire kooán, iri waarahhaás ar baraá ma'aay, ma'aydá' a har guruú tsa/aá ya'aaeé' kilós.

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 2:10

AAKOÓ MUNGÚ i kaahi, «Kiíng gixsár Siyoni, daá', qwalalaá/, asma ga/aawaak aníng ni hardáh nee kuungá' niri alhootaán.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

SEKARIA 9:8

Aníng xafay'eé' un tleéhh bihhe sleémeero ar dooeé' adór xuumusmo, as hee tumu wák miwa baraadá' wa taamberuús, tam baramaanusmoó gi arbaá/ i kaahh, asma daxta slahh'amuuín ugwa ár ilaeene.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.