SEKARIA 2:4 - Biblía Axweesantá Hhohho' ar Mungú 2004

⁴ Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.

SEKARIA 2:4 Iomraidhean Croise

ESTA 9:19

Gawaá adoorihe, múk Yahudi kuduú baraá ayeemo nee baraá gixsadaá koo/ír gawit ngi kooma'aaká, deeloorí kana óh, ar mibaá nee tsiyáhh slahhángw Adari, tawa deelór muruú /ayma nee qwala/ nee deelór tiwa qeemií ya/abitiya'.

ISAYA 33:20

Gixsár Siyoni i qaytaak tidá' deeloorén ar ur kawa tleehhaán gixsár Yerusalemu xuxuaak yaamaá na xasliitiye' nee heemaduwós ki gawden, Kaaka/amaawós ki baloó tu/iiká nee him'eerós ka baloó tlaaqiiká.

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 49:20

Na/iiwók kudá' taa baraá looháy wa laqwál looarka wake u i qununu/iyá' tawa kaahi, ‹Yaamuuká ki ló' wa iiraakw direne, dír hotaarene bu'uut leelehhang.›

ISAYA 54:16

Ga/aaweek, aníng kareeramoó kwahhuút una tleéhh, kudá' asltá gil'ór dukuúm nee xooslár slaqwarár tlehhiít. Aníng sleeme kuduú hhiturusmo una tleéhh as iwa hhitin.

YEREMIA 1:6

Aníng niri oó', «Aasla'áy Aakoó MUNGÚ, qaytsiít, aníng gár ni oo' a xuaaká, asma aníng ti niiná.»

YEREMIA 31:24

Nee múk Yuda nee gixsadu sleémeero, nin dinkwár wa hootiyá' nee doosluuse nee de'eemuuse nee daqooroó hikwaaine.

YEREMIA 31:27

Anuú AAKOÓ MUNGÚ a kah, ga/aaweek, deelo ni hardát ar aníng yaamaá Israeli nee awa Yuda ngiwa hatsiis muu nee makaywo ar adoodá' dahaasusmo ir dahaasaasin.

YEREMIA 33:22

Aníng faarór xwaylár sagadiyusmooeé' Daudi a doók, nee faarór kaahamuusér Mungú tidár tlahhoó Laáwiwo, tari adór tsatse/uú gawaá doori kudá' faarooro ta aslayká, nee adór hhasángw afaá tlawi.»

ESEKIELI 38:11

‹Aníng a slaqwarár áw amór yaamuudá' koo/ír kooma'aaká, yaamuuká' muk'ín in waydúr hoot. Inooín sleémeero dír ta hooti a baraá gixsadaá koo/ír kooma'aaká nee awa afer'ín taa tsegitiiká ar gadaádár peehhír afkú do' tsegit.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

MIKA 7:11

Kuungá' múk Yerusalemu, qooma ni hardát ar koo/ír Yerusalemu kawa tleehhi. Baalaadae digeemiiwók kin ló'wa sawees.

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 1:17

Malaykamoodá' iri báy, «Ya/abtorír hatlá' waahheek, AAKOÓ MUNGÚ Aleesleemusmo i kaahi, ‹Gixsaduueé' niri diihhe'eesiyá'. Anuú AAKOÓ MUNGÚ gixsár Siyoni ngiri gurkwa/ás.› »

SEKARIA 12:6

«Baalaadae aníng geeraharuusér múk Yuda an adór hutloó asltá koóm oo baraá tla/ángw migír tleéhh, nee adór gufuú asla oo baraá tla/ángw qafo, inooín muu sleémeero oo gaa harweer ngun qwaareesiyá'. Qoomaadae múk Yerusalemu tan hoot baraá gixsar'ín wa alé ar saxareema.

SEKARIA 14:12

Nee xoordu sleémeero kudá' naa slaqwarár aye' amór gixsár Yerusalemu AAKOÓ MUNGÚ gin muux ar tiqtír tlakw, slaqooín niri tsutsatsuiyá' sihhtanoórí ale, nee ilaaín niri tsutsatsuiyá' baraá xoxi'ii'ín i ale nee tsifreeri'ín niri tsutsatsuiyá' baraá afer'ín i ale.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhohhoaari.