SEKARIA 2:1 - Biblía Axweesantá Hhohho' ar Mungú 2004

¹ Aluuwo baraá iigu'utuú hatlae hee ngway ár i himuú kón baraá dakose oo qoomeemes.

SEKARIA 2:1 Iomraidhean Croise

ISAYA 54:16

Ga/aaweek, aníng kareeramoó kwahhuút una tleéhh, kudá' asltá gil'ór dukuúm nee xooslár slaqwarár tlehhiít. Aníng sleeme kuduú hhiturusmo una tleéhh as iwa hhitin.

YEREMIA 31:39

Hhutlmoó digima qoomeemes kun gan'aas iimír tloomár Garebu, iri harweerín ay dír Goa.

YEREMIA 48:25

/Uuruú Moabu kwa yaamií kalaá/ nee aleesleemuuín kwaa hhitín. Anuú AAKOÓ MUNGÚ ngina oó'.

ESEKIELI 40:3

Naagáy iri amoodá' i huúw, aníng heé gwa/aát adór muqslidá' sirdaa/aat nguri ár. Heewí dabaawose i hhutlmoó kataánír kón oo tar qoomeemesi, dinkwa nee pa/almoó qoomeemes. Inós qoomaadae aa sihhiít tsufoó do'.

ESEKIELI 40:5

Aluuwo Doó Mungú una ár kwaa harweér ar koo/i daanduú tsee/aá wa ale. Heedaádá' pa/almoowós kuduú qoomeemes guri taataáhh, kudá' tlenaangós afiqoomoó miíta tám, harqoomoó koo/idá' guri leeleéhh. Koo/irí tlenaangós a miíta tám, nee yaangareemaawós sleeme a miíta tám.

ESEKIELI 47:3

Heedaádá' pa/almoowós kuduú qoomeemesuwo bihhaá baraay giri da/aáw wa qoomeés miíta tsiire kooán, iri waarahhaás ar baraá ma'aay, ma'aydá' a har guruú tsa/aá ya'aaeé' kilós.

ESEKIELI 47:4

Gari male qoomeés miíta tsiire kooán, iri geerahaár ma'aay ngiwa waaraahh. Ma'aydá' a har gurunge'eerieé'. Iri male kií/ qoomeesaro miítár hatlá' tsiire kooán, inós iri geerahaár as ma'aydá' ngiwa waaraahh. Naxés ma'aydá' a har afeetlo dir'eene.

DANIELI 7:7

«Alaá tihe baraá iigu'utueene naxés makiito'ór tsiyáhh ngiri ár, a makiito'ór waa/oo/amo nee ar dae tlaaq, ar ló'wa /uuruú koom. Makiito'oorí sihhnaá diren awa muqsla gi koón, awa ir /ayiin. Nee fu'unaydá' naa meetiyé' giri feehhamís, giri yaamú i kal/aán ar tsa/aá ya'aawós. Inós a slaqmiseeká nee makaydaá hatlá' tám naa geerií ár, inós xareemi ngi koon a mibaangw.

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 1:18

Baraá iigu'utuú hatlae gár xareemaá tsiyáhh koom ana ár.

Geehhoeemaá 11:1

Hhartá daai kingiri aníng i haniís, aníng tiri báy, «Tláw, Doó Mungú qoomeeseek, nee kitangwduú ilahhooa, nee mukdá' baraadá' wa sluufmiís ku fát.

Geehhoeemaá 21:15

Nee kudá' aa axwees nee aníng, inós i daaír kón ar taa tleéhh ar sahaábu, as gixsadá' ngiwa qoomeesi ar daaidá', nee afeerós nee koo/irose.