SEKARIA 14:9 - Biblía Axweesantá Hhohho' ar Mungú 2004

⁹ AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

SEKARIA 14:9 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

WARA'AMI 67:4

Xoordu i baraa/iye', eeít, i daaiye' ar qwala/, asma kuúng muu u sakwasleemút ar gan'amu, nee xoordaá baraá yaamu ki geeraharahát.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

WARA'AMI 97:1

AAKOÓ MUNGÚ i waawuti'ii'ín, yaamu i qwalaala/iye', yaamudaá baraá tla/eeraá tlabeemo i qwalaa/iye'!

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

AMOS 9:12

Daqaní múk Israeli panayduú múk Edomu guri baal, tam nee xoordu sleémeero kudá' taa umuueénár ateét sleeme. Anuú AAKOÓ MUNGÚ kudá' muruuwí gu tlehhiít tí aga oó'.»

OBADIA 1:21

Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

HABAKUKI 2:14

Asma xirfuú AAKOÓ MUNGÚ i xu'utiit baraá yaamu sleémeero, adoodár ma'aay tlawi ngira dalaa/iyé'.»

SEFANIA 3:9

«Asma qoomaadae tsifrír xoordu an warqeés, tari axweesantá hhooár axwees as sleémeero anuú AAKOÓ MUNGÚ iwa firiirina', nee iwa sagadiyuusiya' ar muunuú wák.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

DABE 6:4

«Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

1 SAMUELI 2:10

Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»