SEKARIA 14:5 - Biblía Axweesantá Hhohho' ar Mungú 2004

⁵ Kuungá' a ta'aaindá' ar baraá xatstidár tla/eeraá tlom'aá tsár awa AAKOÓ MUNGÚ, a ta'aaindá' adór baabi'iihúng nira kunseelír wa ta'aainé' qoomár waawutmoó yaamaá Yuda tawa Usia, aluuwo AAKOÓ MUNGÚ, Munguúhúng niri hardah dinkwa nee mukós kudá' hhohhó'.

SEKARIA 14:5 Iomraidhean Croise

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

Yoeli 3:11

Gaanslaay ar tlawaare', hardahaaré' kuungá' xoordu sleémeero, awa umuúqo barto, dinkwa i burumburiitaak.› » Aá AAKOÓ MUNGÚ, slaqwaruuseerók sleémeero ni didií /et.

AMOS 1:1

Kaangwí an axweesantá Amos, de'eemusmoó gixsár Tekoár daáhh. Geehhoeemaá aa ár daanduú xoorór Israeliwo kureeraá tsár geeraá kurkú kunseeliro, de'emaá Usia tawa waawutmoó Yuda, nee Yeroboamu, garmoó Yoashi tawa waawutmoó Israeli.

MIKA 1:11

Kuungaásingá' yaamuloousér baraá gixsár Shafírí, tlawsé' ar mure nee /aankwets. Kuungaásingá' baraá gixsár Sa'ananír wa hootá', ma tsee/ií ti'iitara' baraá gixsaro. Asma múk baraá gixsár Bet-eseli ta tsuunqumiis, asma alee/isaydá' ta slaslay dirhúng wa ale aa faák.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

FAARO 16:34

Múk Israeli sleémeero kudá' didií tsewén /aa/eeín ngiwa axaasiyé' tarí goów tawa kaahi, «Atén yaamu mitiwa gu/iyé' sleeme.»

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Luka 21:27

Aluuwo Garmoó Hee kuri ar niwa hardihi ar /uuruuwós nee xirfuú yaariír.

DABE 33:2

Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

Yakobo 5:8

Kuungá' sleeme qiqtliimé', munerhúng gawdeemisaak, asma hardahamuú Aako naa nakaá/.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.