SEKARIA 14:20 - Biblía Axweesantá Hhohho' ar Mungú 2004

²⁰ Baalaadae gawaá mitingaroó farsuuwo /aymi'iiká' kin gooín, i kaahiya', «Kaa hhoohhoeés as AAKOÓ MUNGÚ.» Hutli'idaá baraá doó AAKOÓ MUNGÚ tay adór slooqi'idaá gawaá kitangwduú ilahhooa.

SEKARIA 14:20 Iomraidhean Croise

1 WAAWITÁ 7:50

Slooqi'i nee makasoó taámbay tlaqa nee búklayduú mooyango nee hhaansa'aá asla taatahhaango, sleémeero gár kira tleéhh a sahaábuú hhohhó', nee nahhtá taa tleéhh ar sahaábu ar afér maandár baraá guruú do', didá' ak hhoohhoo', nee afkú dahmuú baraá matla/ángw Doó AAKOÓ MUNGÚ, nahha sleémeero ar sahaábu.

2 QOM'I 4:8

Meesadaá mibaangw giri tleéhh, giri qaás baraá matla/ángw doó Mungú, awa kooán bihhaá doó /iyáy, nee awa kooán bihhaá doó basáy. Naagáy iimpedaá tsiiru awa sahaábu giri tleéhh.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

TI'INAANGW 25:29

Sahaánaywós ku tléhh, nee tsukma'aá mooyángw tsuú', nee qoloqoloó ilahhooa tsipipi'iimis. Xosluuká' sleémeero ki tléhh ar sahaábuú hhohhó'.

TI'INAANGW 37:16

Xoosla gari tleéhh ar sahaábuú hhohhó' as kawa qaasi gawaá daanduú meésa, adór sahaánaay, nee slooqa'aá mooyángw tsuú' kway da/aa/an, nee búklaay nee dahhaaráy as ilahhooár tsipipi'iimis.

TI'INAANGW 39:30

Inooín slamángw hhoohhoó' kuri tleéhh, kuri parootuús ar sahaábuú hhohhó', nee /aymi'i kiri gawaadá' i gooín adór kuqaá laya awa kaahá', «Gaarí kaa paraátl as AAKOÓ MUNGÚ.»

ISAYA 23:18

Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

YEREMIA 31:40

Xatstidá' /aantaá múk koom, nee didá' xwaansláy kway kwaakwahhi, qamu sleémeero ay duxuú Kidroni ay bihhaá Afkú doó Faras, iri kumiit bihhaá da/aáw. Diirí an didá' taa paraátl as AAKOÓ MUNGÚ. Gár ta baloó hhitin i káhh baraakae, nee gixsarí ka baloó fee/iiká ay kureeraá kureér.»

ESEKIELI 45:1

Qoomár bar yaamaá qasimisá' ar tsawdo, as umuú tlahhaywo dirós ngiwa slay, dír wák baraá yaamuwo masók aqo in mét as AAKOÓ MUNGÚ. Tlenaangós a kilomiíta mibaá nee tsár nee tlaqi, nee bihheerós kilomiíta mibaangw. Daqaní yaamuuká' sleémeero ki hhoohhoo'.

TLAHHOÓ LAÁWI 6:28

Ilahhooarí bar kaa dahhás baraá xoslaá tleei, xosluudá' kin tsuu/, ala bar a baraá xooslár muqslár sirdaa/aten, xosluudá' kin hamaatl, kari slawawa/aas ar ma'aay.

TLAHHOÓ LAÁWI 8:9

Mose Aroni guri kofiyá i dahaás, amór geeraawo gaa slamangwdá' taa parootuús oo sahaábu i qaás, adoodá' AAKOÓ MUNGÚ ngira hara'ayín.

OBADIA 1:17

Ala gawaá tloomár Siyoniro múk ba/ám i deer, tloomarí tari tloomar'eé' ar hhoohhoo'. Nee múk doó Yakobo aalir'ín kari male inkii/.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

SEKARIA 14:19

Adoorí an adoodá' múk Misri kur muxi nee xoordu sleémeero, awa daqaqawa'aaká baraá deelór ur ar Isleeriwo.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

SEKARIA 9:15

AAKOÓ MUNGÚ Aleesleemusmo gi xún inooín wakuuser'ín ngiri arba/iyá', inooín tseerér wakuuser'ín kan adór difaáír wa ku'uus, tseerduuín kin tsiririxiis adór tseerér taa tsiririxiís ar slooqamo dír kitángw ilahhooa.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

FAARO 4:14

Xosluudá' tar gadiyumaamisi didár kitángw ilahhooaro sleémeero ka qaasi gawaá daanduuwós. Muruú ta mooyángw tsuú' i da/a/an, nee muqslár sihhnaá kooma nee hhaansi'i nee búklaaywo. Aluuwo gawaawose kaahartá natsaatsaa' ar leei ka hhafi, nee xaa'aá loohiso ki dahaasi.

FAARO 4:7

«Daanduú meésár mikaátér Mungú ku untsuusi ar inqwaarír sirboo/, nee sahaánaay ku gawaadií qaasi, nee isangaoó ta mooyaángwí qamin, nee búklaaywo nee tsukumi'iiwo as ilahhooár muruú wahaangw. Umuúqo baalaaro masók gawaá daanduú meésaro mikaáte i deer.

FAARO 7:13

Ilahhooarós a tí: Sahanír wák ar taa tleéhh ar peésa, iilooeemaawós a kílo wak nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

FAARO 7:19

Inós muruú aa haniís a kwí: Sahaánír wák ar taa tleéhh ar peésa iilooeemaawós a kílo wák nee tlaqi, nee iimpér wák ar ta tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Tlehhema'aá ya/Abuuse 10:15

Afo guri i hardát sagaáwa tsár wa aleeró, guri beér, «Muruú Mungú aa hheehhe'eés, kuúng mu slasla/aruú babawaar.»

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Tlehhema'aá ya/Abuuse 11:9

Afoodá' nay malé gawaá doorí wa kí/, sagaáwa tsár wa ale, iri ó', ‹Muruú Mungú aa hhohhoeés, kuúng mu babawaar muruú slasla/arén.›

Tlehhema'aá ya/Abuuse 15:9

Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 20:6

Heé amohhoó' nee heé hhoohhoó' a kudá' dáw baraá waasle/uú geeraawo. Gawaá mukwihe gwa'arár tsár i /uuruú koondaaká. Ala inooín tari kaahamuusér Mungú nee ar Kristo. Nee slám inooín tari waawuti'ii'ín dinkwa nee inós kureeraá kumuú wake.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»

1 SAMUELI 2:14

Sagadiyusmoodá' kiki'i gan /aytiis ar /uuru baraá hutlaay. Fu'unaydá' sleémeero awa ta gáwtií tleés ar kiki'i, kaahamusmoó Mungú ginar tláy. Adoorí an adór ta tlehhahhiti, dír múk Israeli sleémeero baraá Shiloro.