SEKARIA 14:17 - Biblía Axweesantá Hhohho' ar Mungú 2004

¹⁷ Slám malé alé umuúqo heewo baraá xoordu sleémeero baraaká yaamuwo, oo Yerusalemúr kawaaká as waawutmo AAKOÓ MUNGÚ Aleesleemusmo nguwa sluufmisuú ay, tluwaay ayaaine i tluwiiká.

SEKARIA 14:17 Iomraidhean Croise

IIMU/UUNGW 10:32

Adoorí an adór tlahh'aá daaqoó Noa i dirii'iya', adór xwaylar'ín nee xooror'ine. Baraá mukwihe xoordu sleémeero nina tsiyayaaxatiyé' baraá yaamu alaá tluwoó da/atene.

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 8:35

«Tluwaay bira tluwiiká as tlakweemaá naa kuúng i tleehhiyé', bar kuúng ugwa firiné' nee turi haratlintií', nee bar tlakweemaaín ngaa mayé' as kuúng kiwa naanáq,

2 QOM'I 6:26

«Qoomár tluwaay bura ilá/ as tlakweemaaín, nee aluuwo niri firór ayé' dír do'owí, umuuwók ngway ya/ané', tlakweemaaín ngiri hhu'u'uné' as kuúng kiwa múx,

2 QOM'I 7:13

Aníng bar tluwaay ugwa ilaá/, laqaá bar ingigi ngaa tleés balangwhúng guri /ák, laqaá tiqtír pu/i kuungá' burna sleér,

ISAYA 18:7

«Qoomaadae AAKOÓ MUNGÚ Aleesleemusmo kungun qeemií huuw nee múk tledaadét nee oo slaqo natsatsa'ayen, xoorór dae tlaaq ar tsewen nee ar sawen, xooroodá' /uuruú koom nee baalaaliim, tidá' yaamuuwós taa qasiís nee yau, sluufaay kungun huuw amór tloomár Siyoni didá' AAKOÓ MUNGÚ Aleesleemusmo kuwa sluufmaamisi.»

ISAYA 45:23

Aníng lo'o aga /aáy kilooeé', asma baraá afkueene /ayma'aá ti'imiitá a axweesanoó ganaá'. Axweesante'eé' i tawo ki/ká. Umuú heewo ni dir'eenií tumbarara'aat. Umuú heewo lo'o gan /aay kuwa inkihhím dir'eene.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

YEREMIA 10:25

Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 14:3

Múk urén ta sagadiyuuser'ín ya/abiit as tawa ma'aá hheeki, ala ma'aay kaa slayká. Inooín tana waátl ar dahhaaroó kaaharén, sage ngiri tuuntukuné' as mure nee amoqwaqwadiingw.

YEREMIA 14:4

Doosluuse i gurhamút baraá muner'ine, sager'ín gari tuuntúk mureero, asma tluwaay iwa kahhi nee yaamu kiwa kaahaár.

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

SEKARIA 14:16

Aluuwo heé aa meet baraá xoordu sleémeero kudá' naa slaqwi'i nee múk Yerusalemu, niri hardah as waawutmo AAKOÓ MUNGÚ Aleesleemusmo nguwa sluufmisuú ay, nee deelór ur ar Isleeri ngiwa harmagagaahhi.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

DABE 11:17

Asma adoosíng bara tlehhé', AAKOÓ MUNGÚ buhhtaawo nuri i daa/atúy, aluuwo doori giri tseek tluwaay guri ilaa/, nee yaamu balaangw ngway hamareesiaaká. Kuungá' tari hhaandá' baraá yaamaá hhoohhoo', kudá' AAKOÓ MUNGÚ naa haniís.

Yakobo 5:17

Eliya a heé adór atén. Inós ina ló'wa firiirín as tluwaay miwa tluúw. Nee tluwaay iri yaamií taxaatiiká har qoomár kureeri tám nee slahheeraá lahhooe.

Geehhoeemaá 11:6

Lamabu'uuseerí i hara'ayár koón ar doori ngiwa tsek, as tluwaay miwa tluúw qoomaadár aaru'uumar'ine. Nee slám i hara'ayár koná' ar ma'aay kiwa tseere tleehhi nee yaamu ngiwa muxiya' ar umuúqo muxtaaro ar qoomaadá' inooín ta slai.