SEKARIA 14:10 - Biblía Axweesantá Hhohho' ar Mungú 2004

¹⁰ Yaamu sleémeero kiri warqees tay adór xatsa iimír Gebár wa tleemu ay Rimoni bihhaá Yerusalemu awa basa. Ala gixsár Yerusalemu iri gáwtí mét dirós tidá' i diri', iimír Afkú Benyamini wa tleemu ay dír afkudá' taa geerií tleéhh, ay dír afkudá' koo/i niwa warqeér slám iimír /Aampár Hananelír wa tleemu ay didá' sabiíbuú doó waawutmo kuwa tsoo/aa/iti.

SEKARIA 14:10 Iomraidhean Croise

1 WAAWITÁ 15:22

Waawutmo Asa afo gana ilahaniís dír múk Yuda sleémeero, tam heé wák gwa mayká, as tlaa/eedaá gixsár Rama nee peehháydá' Ba'asha ira gadiyuús kiwa hingeesi. Asa xosluudá' gari gixsár Geba nee ar Mispárár tleéhh kudaá baraá Benyamini.

2 WAAWITÁ 14:13

Yehoashi waawutmoó Israeli waawutmo Amasia oo Yuda garmoó Yehoashi, garmoó Ahasia guri baraá Bet-shemeshír wa óh, iri tláy gixsár Yerusalemu gari koo/i feé/ iimír Afkuduú Efraimu ay Afkuduú Bihhe, saaweemawo a har miíta tsiire tsár.

1 QOM'I 4:32

Sleeme tana hoót baraá gixsadaá hatlá' awa kooán, ar Etamu nee Aini, nee Rimoni, nee Tokeni, nee Ashani.

1 QOM'I 6:77

Múk tlahhoó Laáwi kuduú guruú doó Merari aa meet gixsadaá kura qáy baraá tlahhoó Sebuluni a kuká': Rimono nee Tabori dinkwa nee qawtanay'ine.

2 QOM'I 25:23

Naagáy waawutmo Yehoashi oo Israeli waawutmo Amasia garmoó Yoashi garmoó Ahasi guri dír Bet-shemeshír wa óh, guri huúw Yerusalemu. Koo/ír gixsár Yerusalemu gari feé/ iimír afkú ta bay Efraimu ay afkudá' koo/i niwa warqeér, dír aa feé/ tlenaango a miíta tsiire tsár.

2 QOM'I 26:9

Waawutmo Usia waawuti'iimarós /uuru guna sleér ar /ampuudá' aa tlehhiít dír afkudá' koo/i niwa warqeér, nee dír afkudá' ta bay oo Xatsa, nee kuduú bihhaá koo/i gari gawdeés.

NEHEMIA 12:39

Tawa didá' wa tlawaán ana waarahhaán ar Afkuduú Efraimu nee Afkuduú Yeshana ay amór Afkuduú Siyó tay kumitaán ay /Ampadár Hananeli ay amór /Ampadár Tsiiru ay Afkuduú Doó Bee/aangw. Hi'itanoorén kay alhhe'eesaán dír Afkú Doó Tseegmo.

NEHEMIA 3:1

Aluuwo kaahamusmoó úr oo Mungú kudá' ta bay Eliashibu dinkwa nee hhaeewós kudaá kaahamuuse, Afkuduú Bee/aangw nguri tleehhiyé', ngway tsuuqiyé' iimír /Aampaadár Tsiiru wá tleemu ay /Aampaadár Hananeli.

ISAYA 10:29

Duxa kwaa waaraáhh, xweeraawo nay qatuú ayé' Geba, múk Rama aa daaraxaát, yaamuloouusér Gibeár Saulo tari goów.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

YEREMIA 20:2

Naagáy Pashuri Yeremia guri muúx, nee guri tseék baraá peehhoó iló' dír afkuduú bihhaá gawa oo Benyamini baraá Doó AAKOÓ MUNGUHE.

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 37:13

Qoomár iwa dír Afkú dahma oo ta bay, «Benyamini» xuumusmoó wák oo ta bay Iriya garmoó Shelemia garmoó Hanania, Yeremia guri óh, guri báy, «Kuúng an /akumít as tawa haraagwa' amór slaqwaruusér Kaldayo.»

YEREMIA 38:7

Ebedmeleki kudaádá' taa karmúy oo Kushi kudá' gadiyuús baraá doó waawutmoó wa aleeró, inós gana axaás adór Yeremia kura /aytiís baraá hhalaangw. Qoomaarihe waawutmo aa iwiít dír afkú gixsa kudá' ta bay Benyamini.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

MIKA 4:1

Ala qoomár alhhe'eesáy birna xeér, tloomadá' taa Doó AAKOÓ MUNGÚ i tleéhh, ka gawdees, nee kari gáwtí tleerees ta tlom'aá hatlá' sleémeero. Xoordaá amoodá' kakaawá' hhay i tsatitiiká.

SEKARIA 12:6

«Baalaadae aníng geeraharuusér múk Yuda an adór hutloó asltá koóm oo baraá tla/ángw migír tleéhh, nee adór gufuú asla oo baraá tla/ángw qafo, inooín muu sleémeero oo gaa harweer ngun qwaareesiyá'. Qoomaadae múk Yerusalemu tan hoot baraá gixsar'ín wa alé ar saxareema.

SEKARIA 2:4

Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

YOSHUA 15:32

nee Lebaoti, nee Shilhimu, nee Aini, nee Rimoni. Gixsaduuká' kaa haniís a mibeeri tsár nee gwaleél dinkwa nee ayeemoine.

YOSHUA 21:17

Baraá yaamaá Benyaminiwo gixsadaá taa haniís a gixsár Gibeoni dinkwa nee qawtantose, nee Geba dinkwa nee qawtantose,

HAR'OHUUSE 20:45

Naagáy múk Benyamini iri warqáy, iri ta'aaín ay darma, tari hardáh ay tlaa/ár Rimoni. Múk kume kooán kuri tsuú/ baraá ti'iíngwí ale, múk Israeli baraakadár hatlá' ar Benyamini kari alkón ay Gidomu, múk kume tsár kway tsuú/.

HAR'OHUUSE 20:47

Ala hhawaataá tsiire lahhoó' nay warqayé' nay ta'ainé' ar darma amór mar'idár tlaa/ár Rimoni, nay baraá mar'idá' wa hootiyé' har afiqoomár slahheeraá tsiyahhe.

HAR'OHUUSE 21:13

Naagáy dinku'uumadá' sleémeero ya/abuuse ngari ya/áp ar kángw wayda gu oo' dír tlahhoó Benyamini, kuduú baraá mar'ír tlaa/ár Rimoni.