SEKARIA 13:8 - Biblía Axweesantá Hhohho' ar Mungú 2004

⁸ Daqooroó tsár kuri amór saáw i kwaahh baraá yaamu sleémeero, inooín niri qatliyá', ala daqtá tám iri mét baraakí alé.

SEKARIA 13:8 Iomraidhean Croise

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

AMOS 9:10

Múk tlakweemaá koóm baraá muk'eene kun tsuu/ ar paánga, kudá' kaahá', ‹Atén gár tlaakw ar ti slaw i káhh tam ar niiná.› »

SEFANIA 3:12

Baraawoge mukdá' tsaén un meetiís nee kudá' ti niinaweemiís. Inooín dír guwaay ngari dír umuueéní leelehhtuú ayá'.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

Marko 13:20

Ala Aako bar deeloorí gaa /aareesiiká geeraawo, heé geeraawo ba/ám i kaahh. Ala inós deeloodá' gana /aareés as mukdá' inós aa tsawaár.

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.