SEKARIA 13:7 - Biblía Axweesantá Hhohho' ar Mungú 2004

⁷ AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

SEKARIA 13:7 Iomraidhean Croise

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

ISAYA 1:25

Aníng dakw'eé' un gawaahúng i tleés, Aníng /o/oduuwók in hheehhe'eés, nee slasla/aruuwók sleémeero u hingeés.

ISAYA 27:1

Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 47:6

Aá, paángár AAKOÓ MUNGÚ, ay xaylá ta kumaamit? Dír tara tsauuriká kií/ baraá tlakwaywók, ta hungu/ús, xasliít.

ESEKIELI 21:28

«Heewí, aariím daanduú múk Amoniwo, nee daanduú axweesantaín tidár waaniqaay dír múk Israeliwo. Inooín ki beer, ‹Paánga! Paánga kaa amohhe'eés muu tsu/taaro, kaa duúq as ngiwa hhaamis, kaa qwiiri/iís i war'eeliín adór mankari.

ESEKIELI 21:3

Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

ESEKIELI 37:24

Sagadiyusmooeé' Daudi inooín gin sawaawuti'ín, eeít, kiri de'én nee de'eemusmoó wák. Inooín daber'eé' ngin harmagaahhiyá' nee kaahir'eé' ngin oohiyá'.

ESEKIELI 7:6

Alhhe'eesaay naa hardáh, eeít, alhhe'eesaay naa hamaár, naa dirhúngií hardáh.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

SEKARIA 11:11

Kari geeqáy baalaadár kilae, halaanuuseedár bee/aangw amor'eé' ga/aw ngiri tsaahhiyé' adór AAKOÓ MUNGÚ ira axweés ar tlehhmi'iieé'.

SEKARIA 11:4

AAKOÓ MUNGÚ, Munguúeé' i kaahi, «Ti de'eemusmo tlehh oo bee/ángw ta tsu/tár ay.

SEKARIA 11:7

Aníng niri de'eemusmoó bee/angwdá' ta tsu/tár ay tleehhiít daanduú mukdá' gu tlaxuúm wa alé, hhadaá tsár ngiri taataáhh, ar wák a «gurtleemu» nee ar tsár a «wakleelu'uuma» aníng niri bee/ángw de'éngw áw.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 10:42

Án a kah, umuúqo heewo oo heé wák gwa wahaas, baraá kuká' ninakwe, tam ma'aá niiná awa tsa', as tawa eeharusmooeé', bu'utuuwós i qwaariiká.»

Matayo 11:27

Iri oó', «Baabuúeé' umuú gaaro nga gawaá dabaaeénií qaás. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 18:14

Sleeme tam Baabuúhúng kudá' gawaá doorí dirií', ga slaiiká tam heé wák iwa qwaari baraá kuká' ninakwe.»

Matayo 26:31

Yesu eeharuuseerós gari báy, «Xweeraaká' laarihe kuungá' sleémeero insereehhi nu eér as aníng, nee aníng iri geexeerá'. Asma kaa gooín, ‹De'eemusmoó bee/aangw u slaáhh, nee daqtá bee/aangw iri diyaa/át.›

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Marko 14:27

Yesu giri báy, «Kuungá' sleémeero insareehhi nu eér, nee aníng iri geexeerá'. Asma kaa gooín, ‹De'eemusmoó bee/aangw u slaáhh, bee/aangw iri diya/aat.›

Marko 14:50

Eeharuuseerós guri geexeér, sleémeero tari goów.

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 17:2

Heewí gár kus hhoó' a tlaa/ár xoosliingw kan tseek gawaá istós, nee kuri kwaahh baraá tláwtí alé, ta oo wák baraá kuká' ninakwe nguwa baraá tlakweemií gee/asli.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 10:30

Aníng nee Baabá a wak.»

Yohana 10:38

Ala án bar gadiyeé aga tleéhh, ala án tim haratlintatia'aakahe, gadiyeédá' naa tleéhh na haratlintiaak. Asma kuungá' kawa xua' nee kawa tsahha' adór Baabá ir baraaeé', nee aníng tar baraá Baabá.»

Yohana 14:1

«Ma amoqwaqwadiimara' baraá munerhunge. Kuungá' Mungú ugwa haratlintié', án na haratlintiaré' sleeme.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 16:15

Muruudá' sleémeero Baabá i kon a kwe'eé'. An gár nisa oó', inós tidá' i dir'eé' wa slay ngin dirhúngí oo'.»

Yohana 16:32

Ga/aawaagáy, qooma i hardát, slám qooma naa qaroó hardát, ar kuungá' sleémeero tawa diyaya/ata', umuú heewo amoorós, nee aníng iri kilooeé' geexeerá'. Ala aníng a kilooeeneeká, asma Baabá nee aníng a dinkwa.

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Yohana 8:58

Yesu iri oó', «Án a kah, iimír Abrahamu kuwa laqwaliiká, aníng a qaroó daadeer.»

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Rumi 4:25

Yesu kuna haniís iwa gwaai as tlakweemaarén, nee kunguri waaslee/atís as atén tiwa gan'amuú i harafaari.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Filipi 2:6

Inós iimír iimu/uungo tlehhemuuwós a adór kuquú Mungú. Inós nee Mungú i qoná'. Ala inós ina ya/án qoomtidá' nee Mungú tawa qon ngiwa geexay.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.