SEKARIA 13:1 - Biblía Axweesantá Hhohho' ar Mungú 2004

¹ «Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

SEKARIA 13:1 Iomraidhean Croise

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

YEREMIA 29:26

‹AAKOÓ MUNGÚ kuúng Sefania ugwa kaahamusmo wa qaás, kitángw kaahamusmo Yehoyada, kuúng an heé úr oo Doó AAKOÓ MUNGÚ. Gimáy daxta a gadiyeérók, slarhhamuú ti aarusmoó ila qamiím kuwa tsek ar píngu nee peehhoo iló'.

YEREMIA 33:8

Aníng tlakweemaaín kudá' naa aníngií tlehhaahhitiyé' in hheehhe'eés dir'ine, aníng tlakweemaaín kudá' sleémeero aníng iwa aahhiyé' in gurtláw.

ESEKIELI 36:17

«Heewí, qoomár múk Israeli iwa hoót baraá yaamuuín wa ale, ayaaín nguna slasla/areesiyé' ar tlehhmi'ii'ín kudá' tlakw. Tlehhmi'ii'ín ngiwa ga/aw slasla/aruuwo, i qoná' nee /ameenír baraá deeloorós i dirii'.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

ESEKIELI 36:29

Aníng kuungá' nun ba/amís baraá slasla/aruhúng sleémeerowo. Aníng balangwhúng ngu hamareés, tam giyeé ni baloó tleeraaká.

ESEKIELI 47:1

Aluuwo heedaádá' iri male ki/ís ay dír afkú dahmaá Doó Mungú. Didár duxutmoowo ma'aay i bihhaá baráy wa/aminá' bihhaá da/aáw (asma afkú Doó Mungú in da/aáw ga/áy). Ma'aay i wa/aminá' bihhaá baskú wa ale, dír afkú Doó Munguhe, bihhaá basa awa kitangwduú ilahhooa.

TLAHHOÓ LAÁWI 11:36

Tam adoosinge hhaleeri laqaá kutloó ma'aay ku hhohhó', ala umuú gaaro ar tuua gaa kwatit, kaa meetagaás.

MIKA 5:12

Aníng tam da/ariwók i hingeés baraawoge, ngay faák. Tam mukók kudá' iigu'utuú ara'ár ta baloó kumiitiiká.

SEKARIA 12:14

Tlahh'iidá' naa meetiye' sleémeero ta tsuunqumisi, umuúqo tlahhaywo hhawaate barti'ín, nee /ameena barti'ín.»

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 5:4

Asma siiwarkaaro malaykamoó Aako nin awdaadiit, iri baraá tlahhsadá' i dah, ma'aydá' giri xwaraanxwaar. Nee heé aa giirin baraá ma'aydá' i /etaango, tiqtirós tidá' i kon in hungú/.]

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

1 Yohana 5:6

Yesu Kristo an kwí naa hardah ar ma'aay nee tseere. Naa hardihiiká ar ma'aay kilooín, ala nina hardáh ar ma'aay nee tseere. Qeeru an kudá' gu lamabu'uúm, asma Qeeru a looeema.