SEKARIA 12:8 - Biblía Axweesantá Hhohho' ar Mungú 2004

⁸ Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

SEKARIA 12:8 Iomraidhean Croise

WARA'AMI 8:5

Kuúng ugwa uráy i hanís tsaxwaá tawa alqon nee malayke, kuri ilaiwa/amér úr i hanís nee xirif.

WARA'AMI 82:6

Aníng ana oó', «Kuungá' a mungui, nee a na/aá Munguúdá' Gáwtí dirií' kuungá' sleémeero.

TI'INAANGW 14:19

Naagáy malaykamoó Mungú kudá' aa giirin geeraá xoorór Israeli wa ale, iri tláy iri aluuín i kií/. Nee uhmooduú huunki iri quútl dír geeraaine, iri sihhiít aluuín i ale.

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

ISAYA 31:4

Asma AAKOÓ MUNGÚ aníng ina báy, «Adoodá' diraangw laqaá na/oó diraangw ir dír sluqoorós wá /ortlaatliti, tam qoomár boohhár de'eemuuse barka ateét as nguwa tlatlahhasiya', inós i hhasliitiiká tseeór mukdae, tam afor'ín sleeme gu dae tlaqká, Adoorí an adór AAKOÓ MUNGÚ Aleesleemusmo nir hardihi. As iwa slaqwí as tloomár Siyoni nee gongooamawós.

ISAYA 33:24

Baraadae heé oó', «Aníng a tiíq.» i kaahh, múk baraadá' wa hoót tlakweemaaín sleémeero ki gurtláy.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

YEREMIA 27:10

Mukwí kuungá' nun aaru'uumár lámtí kah, nee gawaá adoorihe kuungá' tundu loohatis yaamaá saawá'. Aníng kuungá' nun amór saáw i guús tunduri hhaamiis.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

HOSEA 12:3

Baraá guruú aayoorose koolór hhiyaawós gana óh, iwa uráy tina tlaampa'asiyé' nee Mungú.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

Yoeli 3:10

Kureemiihúng paangadu tiwa tlehhe', tsati'iihúng tlaatlahhasaak as kiwa lawlu tlehha'. Tam kudá' daqaatlaákw i ooi, Aníng a migusmo.

TLAHHOÓ LAÁWI 26:8

Mukhúng oo kooán wakuusér tsiiru ngin guusiyá', nee mukhúng oo tsiiru wakuusér kumuú wák ngin guusiyá', wakuuserhúng an geerahúng wa qwaaresá' ar paánga.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

MIKA 7:16

Múk xoordaá hatlá' adoorí kan ar, inooín tay muruumiit, tam ta /uureemaá kona. Mureero afe kay tuuntuuk ar dabaaín, tay mafaa' adór múk iawásl.

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

SEKARIA 10:7

Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

SEKARIA 9:8

Aníng xafay'eé' un tleéhh bihhe sleémeero ar dooeé' adór xuumusmo, as hee tumu wák miwa baraadá' wa taamberuús, tam baramaanusmoó gi arbaá/ i kaahh, asma daxta slahh'amuuín ugwa ár ilaeene.

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 11:34

aslaá xaraaslá' kiri tsuú/, nee slám inooín tana ba/án paangadaá xaraasla'a as mikiwa tsuú/. Inooín a múk slaqootlakwén, aluuwo /uuru nguri slayé' as haratlintaao. Tari slaqwaruusér xaraasl tleehhiít, slaqwaruusér hooma kari gusiisín.

YOSHUA 23:10

Heé wák baraá tla/angwhunge kumuú xooro gun tlatlahhaas, asma AAKOÓ MUNGÚ Munguúhúng kuungá' nun aleeslaaqw ar adoodá' ngira al'axweés.

Geehhoeemaá 22:13

Aníng an Alfa nee Omega, kuduú geera nee kuduú alhhe'eesaay. Nee slám aníng an iimu/uungw nee alhhe'eesaay.»

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»